អនុវត្តតាមដីកាបង្គាប់ឲ្យនាំខ្លួនរបស់អយ្យការអមសាលាដំបូងខេត្តបាត់ដំបង និងអនុវត្តតាមបទបញ្ជាដ៏ម៉ឹងម៉ាត់របស់ ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ នៃស្នងការដ្ឋានបានដឹកនាំកងកម្លាំងនគរបាលក្នុងផែន ដែលមានលោក វរសេនីយ៍ឯក អូន ហ្វៃ នាយការិយាល័យនគរបាលព្រហ្មទ័ណ្ឌកំរិតធ្ងន់បានសហការណ៍ជាមួយសមត្ថកិច្ចនគរបាលនៃស្នងការដ្ឋាននគរបាលខេត្តព្រះវិហារ ធ្វើការឃាត់និងនាំខ្លួនជនសង័្សយចំនួន ០២ នាក់ភេទប្រុស ដែលទាក់ទង នឹងករណី(បង្កហិង្សាដោយចេតនាមានស្ថានទម្ងន់ទោសដោយការប្រើប្រាស់អាវុធ) កាលពីថ្ងៃទី ២៧ ខែ កញ្ញា ឆ្នាំ ២០១៩ នៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង ។
ជនសង័្សយទាំងពីរនាក់រួមមាន៖
១-ឈ្មោះ ចក់ ផល្លី ភេទប្រុស អាយុ ២៣ ឆ្នាំ រស់នៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង
២-ឈ្មោះ ចក់ សានិត ហៅ នុត ភេទប្រុស អាយុ១៩ឆ្នាំ រស់នៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង។
១-ឈ្មោះ ចក់ ផល្លី ភេទប្រុស អាយុ ២៣ ឆ្នាំ រស់នៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង
២-ឈ្មោះ ចក់ សានិត ហៅ នុត ភេទប្រុស អាយុ១៩ឆ្នាំ រស់នៅភូមិដូង ឃុំចែងមានជ័យ ស្រុកបាណន់ ខេត្តបាត់ដំបង។
លោកវរសេនីយ៍ឯក ប៉ាន់ វណ្ណនី អធិការនគរបាលស្រុកបាណន់បានឲ្យដឹងថា កាលពីយប់ថ្ងៃទី ២៧ ខែ កញ្ញា ឆ្នាំ ២០១៩ វេលាម៉ោង ២០ និង១៤នាទី នៅលើដងផ្លូវក្នុងភូមិដូង ឃុំចែងមានជ័យ ស្រុកបាណន់ ខេត្តបាត់ដំបងមានករណី(ហិង្សាដោយចេតនាមានស្ថានទម្ងន់ទោសដោយប្រើប្រាស់អាវុធ)មួយបានកើតឡើងបង្កដោយជនសង័្សយមួយក្រុមមានគ្នាចំនួន ០៤នាក់ បានប្រើប្រាស់កាំបិត ស្ទាក់កាប់ប្រហារទៅលើជនរងគ្រោះចំនួន ០៣នាក់បណ្តាលឲ្យ(ស្លាប់)ចំនួន០១នាក់និង០២នាក់ទៀតទទួលរងរបួសត្រូវនាំយកទៅសង្គ្រោះនៅមន្ទីរពេទ្យ ។
ជនរងគ្រោះទាំង០៣នាក់រួមមាន៖
១-ឈ្មោះ លន់ ឡា ភេទប្រុស អាយុ ១៥ ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(ស្លាប់)។
២-ឈ្មោះ រ៉ុង ណារ៉ូ ភេទប្រុស អាយុ ១៧ ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(រងរបួស)។
៣-ឈ្មោះ កូវ សុជឿត ភេទប្រុស អាយុ ១៤ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(រងរបួស)។
១-ឈ្មោះ លន់ ឡា ភេទប្រុស អាយុ ១៥ ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(ស្លាប់)។
២-ឈ្មោះ រ៉ុង ណារ៉ូ ភេទប្រុស អាយុ ១៧ ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(រងរបួស)។
៣-ឈ្មោះ កូវ សុជឿត ភេទប្រុស អាយុ ១៤ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង(រងរបួស)។
លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌបានបញ្ជាក់ថា នៅក្រោយពេលករណីនេះកើតឡើង និងអនុវត្តនូវបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងសមត្ថកិច្ចនគរបាលយើងបានធ្វើការស្រាវជ្រាវជាបន្ទាន់រហូតឈានទៅធ្វើការឃាត់ខ្លួនជនសង័្សយចំនួន ០១ នាក់នៅថ្ងៃទី ០១ ខែ តុលា ឆ្នាំ២០១៩ គឺឈ្មោះ នី គឹមហេង ភេទប្រុស អាយុ ២០ ឆ្នាំ រស់នៅភូមិថ្មី ឃុំកន្ទឺ០១ ស្រុកបាណន់ ខេត្តបាត់ដំបងហើយឆ្លងតាមរយៈការស្រាវជ្រាវនិងអនុវត្តតាមដីកាបង្គាប់របស់អយ្យការអមសាលាដំបូងខេត្តបាត់ដំបងទើបសមត្ថកិច្ចនគរបាលសហការណ៍ឃាត់និងនាំខ្លួនបក្សពួកជនសង័្សយចំនួន០២នាក់បន្ថែមទៀត រហូតដល់ខេត្តព្រះវិហារ។
លោកវរសេនីយ៍ឯក អូន ហ្វៃ នាយការិយាល័យនគរបាលព្រហ្មទ័ណ្ឌកំរិតធ្ងន់នៃស្នងការដ្ឋាននគរបាលខេត្ត បាត់ដំបងបានបញ្ជាក់ថា ករណីហិង្សាដោយចេតនាមានស្ថានទម្ងន់ទោសដែលកើតឡើងខាងលើនេះគឺបណ្តាល មកពីរឿងគំនុំ រវាងក្រុមជងសង័្សយ និងក្រុមជងរងគ្រោះ ។
បច្ចុប្បុន្នសមត្ថកិច្ចនគរបាលកំពុងធ្វើការស្រាវជ្រាវបន្ថែមនិងរៀបចំបញ្ជូនជនសង័្សយខាងលើទៅកាន់អយ្យការអមសាលាដំបូងខេត្តបាត់ដំបង ចាត់ការតាមផ្លូវច្បាប់ ។
អត្ថបទដោយ៖ លុយ សព្វសិទ្ធិ