អនិច្ចាគ្រួសារ១រវល់យកចង្ហាន់ទៅវត្តត្រឡប់ពីវត្តវិញត្រូវភ្លើងលេបត្រប៉ាក់ផ្ទះសម្បែងអស់គ្មានសល់

(បាត់ដំបង)៖ វេណទី១៥ ជាបុណ្យភ្ជុំធំប្រជាពល់ខ្មែរនាំគ្នាម្នីម្នារទៅវត្តតាមស្រុកភូមិទាំងគ្រួសារ ដោយឡែកអនិច្ចាមួយគ្រួសារនៅស្រុកភ្នំព្រឹកខេត្តបាត់ដំបងរៀបចំស្រូតចង្ហាត់ទៅវត្តលុះត្រឡប់មកពីវត្តវិញឃើញផ្ទះខ្លួនត្រូវឆេះអស់រលីងហេតុការណ៍នេះកើតឡើងនៅថ្ងៃសៅរ៍ ១៥រោច ខែភទ្របទ ឆ្នាំកុរ ឯកស័ក ព.ស ២៥៦៣,ត្រូវនឹងថ្ងៃទី២៨ ខែកញ្ញា ឆ្នាំ២០១៩ វេលាម៉ោង៩.៤០នាទីព្រឹក ករណីខាងលើនេះកើតឡើងនៅចំណុក្រុមទី១៣ ភូមិអូរថ្មី ឃុំពេជ្រចិន្តា ស្រុកភ្នំព្រឹក ដោយម្ចាស់ផ្ទះ ឈ្មោះ

យ៉ោន យុត ភេទប្រុស អាយុ៦២ឆ្នាំ។
ប្រពន្ធឈ្មោះ មូល ប៉ាក់ អាយុ៥២ឆ្នាំ ។

ផ្ទះដែលរងគ្រោះដោយសារអគ្គីភ័យដែលឆេះនេះមានទំហំ ១២.ម×៨.ម ឆេះខូចខាតទាំងស្រុង ហើយនឹងសម្ភារះដែលបាត់បង់ផ្សេងទៀតរួមមាន៖
១.ប្លង់ដីចំនួនពីរប្លង់
២.លុយចំនួន 200 ដុល្លា
៣.លុយខ្មែរ ចំនួន 1,000,000រៀល
៤.ទូរទស្សន៍មួយគ្រឿងនិងសម្ភារៈបាត់បង់មួយចំនួនទៀតផ្សេងៗសរុបទឹកប្រាក់ប្រហែល១២លានរៀល ។

តាមការពិនិត្យនឹងស្រាវជ្រាវនៅកន្លែងកើតហេតុករណ៍ដែលធ្វើអោយឆេះផ្ទះខាងនេះគឺមកពីផ្ទុះខ្សែភ្លើងព្រោះគ្មានមនុស្សនៅផ្ទះរវល់ចេញទៅវត្តព្រោះថ្ងៃភ្ជុំបិណ្ឌធំហើយក៏ជាថ្ងៃបង្ហើយបុណ្យភ្ជុំដែរ ។

អត្ថបទ៖ លុយ សព្វសិទ្ធ