សម្តេចតេជោ ហ៊ុន សែន៖ ទោះមាន ឬគ្មាន EBA មិនអាចធ្វើឲ្យកម្ពុជាស្លាប់ ឬមានបានឡើយ រដ្ឋាភិបាលគ្រប់គ្រងស្ថានការណ៍បានទាំងអស់!

(ភ្នំពេញ)៖ ពីលើវេទិកាក្នុងពិធីបិទអង្គសន្និបាតក្រសួងមហាផ្ទៃ នៅរសៀលថ្ងៃទី១៤ ខែកុម្ភៈ ឆ្នាំ២០១៩នេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា ទោះមាន ឬគ្មាន EBA មិនអាចធ្វើឲ្យប្រទេសកម្ពុជា ឬប្រជាជនកម្ពុជាស្លាប់ ឬមានបាននោះឡើយ ហើយ​រហូតមកដល់ពេលនេះរាជរដ្ឋាភិបាលបានគ្រប់គ្រងគ្រប់ស្ថានការណ៍ទាំងអស់។

សម្ដេចតេជោ ហ៊ុន សែន បានសង្កត់ធ្ងន់ទៀតថា កម្ពុជាក៏មិនយក​អធិបតេយ្យ និងឯករាជ្យរបស់ជាតិទៅប្តូរនឹងជំនួយ ឬបញ្ហាណាមួយទេ។ ទោះបីគ្មានចំណូលបន្ថែម ក៏កម្ពុជាមានលទ្ធភាពបើកប្រាក់បៀវត្សរ៍មន្ត្រីរាជការរហូតដល់ទៅមួយឆ្នាំ ព្រោះថា​ត្រឹមតែចំណូលពីពន្ធគយ គឺគ្រប់គ្រាន់សម្រាប់បើកប្រាក់បៀវត្សរ៍មន្ត្រីរាជការ​។
សម្ដេចតេជោនាយករដ្ឋមន្ដ្រី បានមានប្រសាសន៍យ៉ាងដូច្នេះថា «ទោះមាន ឬគ្មាន EBA វាក៏មិនធ្វើឲ្យយើងស្លាប់ តែវាក៏មិនធ្វើឲ្យយើងក្លាយទៅជា អ្នកមានបានដែរ។ បញ្ហារកស៊ីបង់ពន្ធឲ្យគេ គេបង់ពន្ធឲ្យយើង គឺជារឿងស្មើភាពសមហេតុសមផល ដែលយើងមិនចង់ឲ្យអ្នកណាប្រើប្រាស់នូវភាពអនុគ្រោះ ហើយបែរជាមកបង្វិលក្បាលយើងតាមចិត្តចង់នោះទេ»

សម្ដេចតេជោ ហ៊ុន សែន បានបន្ដថា «ខ្ញុំបានបញ្ជាក់តាំងពីដើមទីមកថា មិនអាចយកអធិបតេយ្យជាតិរបស់យើង ទៅដោះដូរជាមួយជំនួយអ្នកណាទាំងអស់ ដូច្នេះហើយបានជាយើងត្រូវខិតខំ ហើយខ្ញុំសូមបញ្ជាក់ថា EBA នេះយូរ ឬឆាប់វាគង់តែបាត់ទេ នៅណាដែលសេដ្ឋកិច្ចរបស់យើងដើរដល់នៅដំណាក់កាលមួយ ពេលនោះយើងនឹងបាត់ជាស្វ័យប្រវត្តិ»

ប្រភព៖ Samdech Hun Sen, Cambodian Prime Minister | Fresh News
សម្តេចតេជោ ហ៊ុន សែន៖ ទោះមាន ឬគ្មាន EBA មិនអាចធ្វើឲ្យកម្ពុជាស្លាប់ ឬមានបានឡើយ រដ្ឋាភិបាលគ្រប់គ្រងស្ថានការណ៍បានទាំងអស់! សម្តេចតេជោ ហ៊ុន សែន៖ ទោះមាន ឬគ្មាន EBA មិនអាចធ្វើឲ្យកម្ពុជាស្លាប់ ឬមានបានឡើយ រដ្ឋាភិបាលគ្រប់គ្រងស្ថានការណ៍បានទាំងអស់! Reviewed by Laiheang VOBFM on 2/14/2019 Rating: 5
Powered by Blogger.