រុស្ស៊ី គ្រោង​ផ្តាច់​ខ្លួន​ចេញ​ពី​បណ្ដាញ​អ៊ីនធឺណិត​ពិភពលោក!

ក្រុមហ៊ុន​ផ្គត់ផ្គង់​អ៊ីនធឺណិត នៅ​ក្នុង​ប្រទេសរុស្ស៊ី កំពុង​ត្រៀម​ធ្វើ​តេស្ត​សាកល្បង​មួយ ក្នុង​គោល​បំណង​ផ្តាច់​ខ្លួន​ចេញ​ពី​បណ្ដាញ​អ៊ីនធឺណិត​ពិភពលោក ដោយ​រុស្ស៊ី​នឹង​មាន​ភាព​ឯករាជ្យ​សម្រាប់​ប្រព័ន្ធ​អ៊ីនធឺណិត។ នេះ​បើ​យោង​តាម​សារព័ត៌មាន​រុស្ស៊ី RosbiznesKonsalting ចុះផ្សាយ​កាល​ពី​ពេល​ថ្មី​ៗ​នេះ​។
លោក ពូទីន ប្រធានាធិបតីរុស្ស៊ី (រូបថត៖ AP)
គម្រោង​ធ្វើ​តេស្ត​សាកល្បង ការ​ផ្តាច់​ខ្លួន​ពី​បណ្ដាញ​អ៊ីនធឺណិត​ពិភពលោក​នេះ ស្ថិត​ក្រោម​សេចក្ដី​ព្រាង​ច្បាប់ ស្ដីពី​កម្មវិធី​ជាតិ​សេដ្ឋកិច្ច​ឌីជីថល ដែល​សភា​រុស្ស៊ី​លើកឡើង​កាលពី​ឆ្នាំមុន ដើម្បី​កែប្រែ​នូវ​ការងារ​បច្ចេកទេស​ខ្លះៗ ក្នុង​គោលបំណង​ឲ្យ​​បណ្ដាញ​អ៊ីនធឺណិត​ក្នុង​ប្រទេស​រុស្ស៊ី ដំណើរការ​ដោយ​ឯករាជ្យ។
​សភា​រុស្ស៊ី នឹង​បើក​កិច្ចប្រជុំ​​វិសោធនកម្ម​ច្បាប់​នេះ នៅ​ថ្ងៃ​ទី​១ ខែ​មេសា ឆ្នាំ​២០១៩​ខាង​មុខ។ យ៉ាង​ណា​មិញ កាល​កំណត់​នៃ​ការ​សាកល្បង​នេះ មិន​ទាន់​មាន​ការ​បញ្ជាក់​នៅ​ឡើយ​ទេ។

តាម​ច្បាប់​នេះ ក្រុមហ៊ុន​ផ្គត់ផ្គង់​អ៊ីនធឺណិត​ទាំងអស់​នៅ​រុស្ស៊ី តម្រូវ​ឲ្យ​មាន​ភាព​ឯករាជ្យ​ ​ដើម្បី​ត្រៀម​ខ្លួន​ឆ្លើយតប​នឹង​ប្រទេស​មហា​អំណាច​នានា ដែល​គ្រោង​ដក​រុស្ស៊ី​ចេញ​ពី​ប្រព័ន្ធ​អនឡាញ​។
សូមបញ្ជាក់​ថា៖​ រុស្ស៊ី ត្រូវ​បាន​ចោទ​ប្រកាន់​ពី​ការ​វាយប្រហារ​តាម​ប្រព័ន្ធ​អ៊ីនធឺណិត​ ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ បណ្ដាល​ឲ្យ​អង្គការ NATO និង​សម្ព័ន្ធ​មិត្ត​របស់​ខ្លួន គំរាម​ដាក់​ទណ្ឌកម្ម​មក​លើ​ក្រុង​មូស្គូ​៕


ប្រភព៖ Dailymail
រុស្ស៊ី គ្រោង​ផ្តាច់​ខ្លួន​ចេញ​ពី​បណ្ដាញ​អ៊ីនធឺណិត​ពិភពលោក! រុស្ស៊ី គ្រោង​ផ្តាច់​ខ្លួន​ចេញ​ពី​បណ្ដាញ​អ៊ីនធឺណិត​ពិភពលោក! Reviewed by Laiheang VOBFM on 2/14/2019 Rating: 5
Powered by Blogger.