Galaxy S10E បាន​លេច​ខ្លួន​សា​ជា​ថ្មី​ម្ដង​ទៀត និង​បាន​បង្ហាញ​រូប​រាង​ឱ្យ​កាន់​តែ​ច្បាស់!

ស្របកាលពីពេលចេញ ព័ត៌មានលេចធ្លាយអំពី Galaxy S10/S10+ ក៏មានពាក្យចចាមអារ៉ាម មួយចំនួនបង្ហាញថា ក្រុមហ៊ុន Samsung ក៏នឹងមានគម្រោងបង្កើត ម៉ូឌែលថ្មីមួយទៀត ចូលរួមជាមួយស្មាតហ្វូនស៊េរីថ្មី នៃត្រកូល S របស់ខ្លួនផងដែរ និងត្រូវបានលេចឈ្មោះមកថា Galaxy S10e ដោយមកដល់ពេលថ្មីៗនេះ រូបរាងទាំងមូលនៃស្មាតហ្វូននេះ ក៏ត្រូវបានលេចចេញមកតែម្ដង។
ចចាមអារ៉ាម​កន្លង​មក​ចេញ​ផ្សាយ​ថា​ Samsung ក៏​​មាន​ផលិត​ Galaxy S10 ប្រភេទ​តម្លៃ​ធូរ​ថ្លៃ​​ផង​ដែរ ដើម្បី​ប្រកួតប្រជែង​នឹង iPhone XR ដែល​ជា​ស្មាតហ្វូន​ធូរ​ថ្លៃ​របស់​ Apple។ ពេល​នេះ​​រូប​រាង​ Galaxy S10 ប្រភេទ​ធូរ​ថ្លៃ​បាន​លេច​ចេញ​ មុន​ការ​ប្រកាស​ចេញ​នៅ​ថ្ងៃ​ទី ២០ ខែ​កុម្ភៈ​ខាង​មុខ​នេះ។

Galaxy S10 ប្រភេទ​ធូរ​ថ្លៃ​នេះ ត្រូវ​គេ​ជឿជាក់​ថា​នឹង​មាន​ឈ្មោះ​ថា​ Galaxy S10E ដោយ​វា​មាន​អេក្រង់​ទំហំ ៥,៨ អ៊ីញ, កាមេរ៉ា​ខាង​ក្រោយ​ពីរ​គ្រាប់, ស៊ុម​អេក្រង់​ស្ដើង និង​មាន​ថ្ម​ទំហំ​តូច​ជា Galaxy S10 ប្រភេទ​ថ្លៃ។
តាម​រូបភាព​បាន​បង្ហាញ​ដែរ​ថា Galaxy S10E នេះ​មាន​អេក្រង់​រាប​ស្មើ​ មិន​មែន​កោង​ដូច​ស្មាតហ្វូន​កំពូល​ៗ​ដទៃ​ទៀត​របស់​ Samsung នោះ​ទេ។ ចំណុច​ខុស​ប្លែក​មួយ​ទៀត គឺ​ Galaxy S10E នឹង​មាន​បំពាក់​ទ្រនាប់​ស្កេន​ម្រាម​ដៃ​នៅ​ផ្នែក​​ចំហៀង មិន​មាន​ទ្រនាប់​ស្កេន​លើ​អេក្រង់​ដូច Galaxy S10 ប្រភេទ​ថ្លៃ​ឡើយ។

ប្រភព: The Verge

Galaxy S10E បាន​លេច​ខ្លួន​សា​ជា​ថ្មី​ម្ដង​ទៀត និង​បាន​បង្ហាញ​រូប​រាង​ឱ្យ​កាន់​តែ​ច្បាស់! Galaxy S10E បាន​លេច​ខ្លួន​សា​ជា​ថ្មី​ម្ដង​ទៀត និង​បាន​បង្ហាញ​រូប​រាង​ឱ្យ​កាន់​តែ​ច្បាស់! Reviewed by Laiheang Vobfm on 2/05/2019 Rating: 5
Powered by Blogger.