បើក​សុខ​ៗ​មាន​ភ្លើង​ឆាបឆេះ ​គ្រោះ​ឡាន​តែ​សំណាង​មនុស្ស

ខេត្តបាត់ដំបង៖ សមត្ថកិច្ច​បាន​រាយ​ការ​ណ៍​​ថា រថយន្ត​ប្រភេទ​ដឹក​ទំនិញ​មួយ​គ្រឿង ​ពេល​កំពុង​ធ្វើ​ដំណើរ​សុខ​ៗ ស្រាប់តែ​មាន​អគ្គិភ័យ​ឆាបឆេះ​អស់​គ្មាន​សល់ បង្ក​ការភ្ញាក់​ផ្អើលកាលពី​វេលា​ម៉ោង​១១ និង៤០​នាទី​ថ្ងៃត្រង់​ថ្ងៃ​ទី​១៨ ​ធ្នូ ស្ថិតនៅ​ចំណុច​ភូមិ​ស្រែ​ជី​ពៅ ឃុំ​មាន​ជ័យ ស្រុក​សំឡូត តែ​មិន​បង្ក​គ្រោះថ្នាក់​ដល់​មនុស្ស​ទេ​ ។

សមត្ថកិច្ច​បានឱ្យ​ដឹង​​ថា រថយន្ត​នោះ​ម៉ាក​ហ៊ូ​យ៉ា​ន់​ដាយ ប្រភេទ​២​តោន​កន្លះ ពាក់​ស្លាក​លេខភ្នំពេញ 3D-​6814 បើកបរ​ដោយ​ឈ្មោះ​វៀង យាំង​កូក ភេទ​ប្រុស អាយុ​៤៤​ឆ្នាំ ជា​ជនជាតិ​វៀតណាម និង​ជា​អ្នកស៊ី​ឈ្នួល​បើករថយន្ដ​នេះ ដែល​មាន​អ្នក​រួម​ដំណើរ​​​ជា​កម្មករ​ចំនួន​៣​នាក់​ទៀត តែ​ក្រុម​កម្មករ​បាន​ចុះ​រត់គេច​ខ្លួន​បាត់​អស់​ ក្រោយ​កើតហេតុ​។

បើ​តាម​ការ​សួរនាំ​ជំ​ហាន​ដំបូង​ថា រថយន្ត​នេះ​ស្វែងរក​ទិញ​ស្វាយ​តាម​ចម្ការ​ ហើយ​ពេល​កំពុង​ធ្វើ​ដំណើរ​ទំនង​​ក្រុម​កម្មករ​នាំ​គ្នា​ជក់បារី​បោះចោល​លើ​រថយន្តដែល​នាំ​ឱ្យ​​ឆេះ​ក្រដាស​ ​សម្រាប់​ខ្ចប់​ផ្លែស្វាយ​បង្ក​ជា​អណ្ដាត​ភ្លើង​សន្ធោ​សន្ធៅ​ឆេះ​ទាំង​រថយន្ត​ខ្ទេច​គ្មាន​សល់​តែ​ម្ដង ​។

សមត្ថកិច្ច​បាន​ប្រាប់​ថា រថយន្ត​នោះ​ត្រូវ​អគ្គិភ័យ​ឆេះ​អស់ទាំង​ស្រុង  តែ​មិន​មាន​គ្រោះថ្នាក់​មនុស្ស​ទេ​។ ពេល​នេះ​ សមត្ថកិច្ច​កំពុង​សួរនាំ​អ្នកបើកបរ​ដែល​ជា​ជនជាតិ​វៀតណាម ខណ​:​កម្មករ​ចំនួន​៣​នាក់​បាន​រត់គេច​ខ្លួន​បាត់​អស់​ ។

បើក​សុខ​ៗ​មាន​ភ្លើង​ឆាបឆេះ ​គ្រោះ​ឡាន​តែ​សំណាង​មនុស្ស បើក​សុខ​ៗ​មាន​ភ្លើង​ឆាបឆេះ ​គ្រោះ​ឡាន​តែ​សំណាង​មនុស្ស Reviewed by Soeurm Ro on 12/18/2018 Rating: 5
Powered by Blogger.