ទណ្ឌកម្ម​​អាក្រក់​សម្រាប់​ការ​រំសាយ​នុយក្លេអ៊ែរ ប្រទេស​កូ​រ៉េ​ខាងជើង

(​កូរ៉េ​ខាងជើង)៖ ប្រទេស​កូ​រ៉េ​ខាងជើង​កាលពី​ថ្ងៃ​ទី​១៦​ធ្នូ បាន​ថ្កោលទោស​រដ្ឋការ​អា​មេ​រិ​ក​ដែល​ពង្រឹង​ទណ្ឌកម្ម ប្រឆាំង​ខ្លួន​ហើយ​ថ្លែង​ថា ការ​រំសាយ​នុយក្លេអ៊ែរ​របស់​ប្រទេស​នេះ​អាច​រាំងស្ទះ​គ្មាន​កាលកំណត់​មួយ​។

សហរដ្ឋអាមេរិក​ប្រកាស​កាលពី​ថ្ងៃ​ទី​១០ ​ធ្នូ ​កន្លង​មកនេះ ដាក់​ទណ្ឌកម្ម​ប្រឆាំង​អ្នក​ទទួលខុសត្រូវ​កូរ៉េ​ខាង​ជើង​៣​នាក់ ក្នុង​នោះ​ម្នាក់​ជា​សហការី​សំខាន់​បំផុត​មួយ​រូប​របស់​លោក គី​ម​ជុង​អ៊ុ​ន ពី​បទ​រំលោភ​បំពាន​លើ​សិទ្ធិ​មនុស្ស​។ ការ​រំសាយ​នុយក្លេអ៊ែរ​របស់​កូរ៉េ​ខាងជើង ពុំ​មានការ​រីក​ចម្រើន​ឡើយ ចាប់តាំងពី​ការ​ជួប​គ្នា​ជា​ប្រវត្តិសាស្ត្រ កាលពី​ខែមិថុនា រវាង​លោក​គី​ម​ជុង​អ៊ុ​ន​និង​ប្រធានាធិបតី​អា​មេ​រិ​ក​លោក​ដូ​ណា​ល់​ត្រាំ​នៅ​សិង្ហ​បុរី​។ ការ​ជួប​ពិភាក្សា​ការងារ រវាង​រដ្ឋមន្ត្រី​ការ​បរទេស​អា​មេ​រិ​ក លោក​MIKE POMPEO​និង​អ្នក​ទទួល​ខុសត្រូវ​កូរ៉េ​ខាងជើង លោក​KIM YONG CHOL ត្រូវ​លុប​ចោល​ភ្លាម​ៗ​កាលពី​កាល​ពិ​ី​ខែវិច្ឆិកា រួច​ពុំ​មានការ​គ្រោង​ទៀត​នៅឡើយ​។
ដោយ​វាយតម្លៃ​ខ្ពស់​ដល់​លោក​ដូ​ណា​ល់​ត្រាំ ព្រោះតែ​ឆន្ទៈ​របស់​លោក​ចង់​កែ​លម្អ​ទំនាក់ទំនង​រវាង​ប្រទេស​ទាំង​២ កូរ៉េ​ខាងជើង​បាន​ចោទប្រកាន់​ក្រសួងការបរទេស​អា​មេ​រិ​កថា ចង់​នាំ​ជា​ថ្មី​ទំនាក់ទំនង​រវាង​កូរ៉េ​ខា​ងជើង​និង​សហរដ្ឋអាមេរិក​ទៅ​រក​សភាព​ដូច​កាលពី​ឆ្នាំទៅ​មិ​ញ ដែល​កំណត់​ពិ​ី​ការ​បាញ់​សាកល្បង​បណ្ដា​មី​ស៊ី​ល និង​ការ​ប៉ះទង្គិច​គ្នា​។

ក្នុង​សេចក្ដី​ប្រកាស​មួយ​ក្រសួងការបរទេស​កូរ៉េ​ខាងជើង​ថ្លែង​ថា ប្រសិនបើ​រដ្ឋការ​អា​មេ​រិ​ក​ជឿជាក់​ថាបណ្ដា​ទណ្ឌកម្ម​និង​ការ​គាបសង្កត់ កាន់តែ​ខ្លាំង នឹង​ចាប់បង្ខំ​ក្រុង​ព្យុ​ង​យ៉ាង​ឲ្យ​បោះបង់​ចោល​អាវុធ​នុយក្លេអ៊ែរ​របស់​ខ្លួន នោះ​នឹង​ជា​ការ​យល់​ច្រឡំ​ធំ​បំផុត​មួយ​ហើយ រួច​វា​នឹង​រាំង​ខ្ទប់​ជា​និច្ច​ផ្លូវ​នៃ​ការ​រំសាយ​នុយក្លេអ៊ែរ នៅ​ឧបទ្វីប​កូរ៉េ ដែល​នោះ​ជា​អ្វី​ដែល​គ្មាន​នរណា​ម្នាក់​ចង់បាន​។

សេចក្ដី​ថ្លែង​កាណ៍​នេះ​របស់​ក្រសួងការបរទេស​កូរ៉េ​ខាងជើង ត្រូវ​បាន​ចេញផ្សាយ​ក្រោម​ឈ្មោះ​របស់​នាយក​សិក្សា​នយោបាយ​នៃ​វិទ្យាស្ថាន FOR AMERICAN STUDIES៕
ទណ្ឌកម្ម​​អាក្រក់​សម្រាប់​ការ​រំសាយ​នុយក្លេអ៊ែរ ប្រទេស​កូ​រ៉េ​ខាងជើង ទណ្ឌកម្ម​​អាក្រក់​សម្រាប់​ការ​រំសាយ​នុយក្លេអ៊ែរ ប្រទេស​កូ​រ៉េ​ខាងជើង Reviewed by Laiheang VOBFM on 12/17/2018 Rating: 5
Powered by Blogger.