លោក Wissanu បានបង្ហាញពីភាពរីកចម្រើននៅក្នុងការដោះស្រាយបញ្ហាភាពចម្រូងចម្រាសជុំវិញច្បាប់ប្រកាសទ្រព្យសម្បត្តិថ្មីរបស់ NACC។ ច្បាប់ថ្មីនោះតម្រូវឲ្យក្រុមមន្ត្រីជាន់ខ្ពស់ដែលកាន់តំណែងប្រតិបត្តិ ដូចជា អគ្គនាយករង សាកលវិទ្យាធិការ និងតំណែងប្រហាក់ប្រហែលផ្សេងទៀត ឲ្យធ្វើការប្រកាសទ្រព្យសម្បត្តិ និងបំណុលរបស់ ពួកគេ។
លោកឧបនាយករដ្ឋមន្ត្រី Wissanu Kreangam ជួបប្រជុំជាមួយ លោកអគ្គលេខា Worawit Sukboon និងក្រុមមន្ត្រី NACC
ច្បាប់នោះ ក៏តម្រូវឱ្យប្តីប្រពន្ធ និងកូនៗរបស់ពួកគេផងដែរ ដាក់ពាក្យប្រកាសទ្រព្យសម្បត្តិ និងបំណុលរបស់ពួកគេនៅ NACC។ ច្បាប់នេះត្រូវបានគ្រោងឲ្យចូលជាធរមាន កាលពីថ្ងៃអាទិត្យសប្តាហ៍មុន ប៉ុន្តែ NACC បានពន្យារពេលរហូតដល់ថ្ងៃទី ១ ខែមករា វិញ បន្ទាប់ពីមានការរិះគន់យ៉ាងខ្លាំងៗនោះ។លោក Wissanu បានថ្លែងថា គណៈកមា្មធិការជាតិប្រឆាំងអំពើពុករលួយ កំពុងពិចារណាថា មធ្យោបាយល្អបំផុតក្នុងការដោះស្រាយបញ្ហានេះ គឺពឹងផ្អែកទៅលើគោលការណ៍អភិបាលកិច្ចល្អ។
លោកឧបនាយករដ្ឋមន្ត្រី Wissanu Kreangam បានថ្លែងថា ក្រុមទី១គឺជាក្រុមអ្នកដែលមិនត្រូវឲ្យប្រកាសទ្រព្យសម្បត្តិ និងបំណុលរបស់ពួកគេនោះទេ ដោយសារតែមិនមានហានិភ័យ ដែលពួកគេនឹងមិនបានជាប់ពាក់ព័ន្ធនៅក្នុងអំពើពុករលួយនោះ។
ក្រុមទី ២ គឺអ្នកដែលត្រូវដាក់ពាក្យប្រកាស ប៉ុន្តែចាំបាច់ត្រូវមានព័ត៌មានលម្អិតអំពីទ្រព្យសម្បតិ្ត និងបំណុលចំណែកក្រុមទី ៣ គឺអ្នកដែលត្រូវដាក់ពាក្យប្រកាស ប៉ុន្តែព័ត៌មានលម្អិតមិនចាំបាច់ប្រកាសជាសាធារណៈទេ៕
