បន​ល្បែងជនជាតិ​​​ចិន បើក​ក្នុង​ក្រុងភ្នំពេញ អាជ្ញាធរ​ខណ្ឌទួលគោក​ចុះ​បង្ក្រាប - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

បន​ល្បែងជនជាតិ​​​ចិន បើក​ក្នុង​ក្រុងភ្នំពេញ អាជ្ញាធរ​ខណ្ឌទួលគោក​ចុះ​បង្ក្រាប

30/11/2018
ភ្នំពេញ៖ លោក ឯក ឃុន​ដឿ​ន អភិបាល​នៃ​គណៈ​អភិបាល​ខណ្ឌទួលគោក បាន​ដឹកនាំ​កម្លាំង​ចម្រុះ ចុះ​បង្ក្រាប​ទីតាំង​កាស៊ីណូ​អត់​ច្បាប់​មួយ​កន្លែង យីហោ​(1618​សាល​កម្សាន្ដ​បុក​ប៊ី​យ៉ា​) របស់​ជនជាតិ​ចិន ព្រមទាំង​ដកហូត​ទូរ​ល្បែងស៊ីសង​ជា​ច្រើន​គ្រឿង នឹង​ឃាត់ខ្លួន​ជនជាតិ​ចិន ចំនួន​៣​នាក់ ផង​ដែរ ប្រតិបត្តិការ​ចុះ​បង្ក្រាប​ទីតាំង​ខាងលើ​ធ្វើ​ឡើង​កាលពី​វេលា​ល្ងាច​ថ្ងៃ​ទី​២៩ ខែ​វិ​ចិ្ឆ​កា ឆ្នាំ​២០១៨ ដែល​ស្ថិត​នៅ​តាម​បណ្តោយ​ផ្លូវ​ព្រះ​មុន្នី​រ៉េ​ត សង្កាត់​ផ្សារ​ដើម​គរ ខណ្ឌទួលគោក រាជធានី​ភ្នំពេញ ។

លោក ឯក ឃុន​ដឿ​ន អភិបាល​ខណ្ឌទួលគោក បាន​ប្រាប់​ឲ្យ​ដឹង​ថា ដោយ​មាន​បញ្ជា​ផ្ទាល់​ពី​លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ និង​មានការ​សម្របសម្រួល​ពី​លោក តុ​ប ឈុ​ន​ឡុ​ង ព្រះរាជអាជ្ញា​រង​នៃ​អយ្យការ​អម​សាលាដំបូង​រាជធានី​ភ្នំពេញ ទើប​កម្លាំង​ឆ្មក់​ចូល​ពិនិត្យ ដោយ​បាន​រក​ឃើញ ឧបករណ៍​ដែល​ជា​ម៉ាស៊ីន​សម្រាប់​លេងល្បែង​ជា​ច្រើន នៅ​ក្នុង​ទីតាំង​នេះ ហើយ​អាជ្ញាធរ​បាន​សម្រេច​បិទទ្វារ​ជា​បណ្តោះអាសន្ន ដើម្បី​រង់ចាំ​ព្រឹកស្អែក​បន្ត​នីតិវិធី​ច្បាប់ ។

ពាក់ព័ន្ធ​ករណី​ចុះ​បង្ក្រាប​ទីតាំង​ខាងលើ​នេះ មហាជន​បាន​លើក​ឡើង​ថា ទីតាំង​ខាងលើ​នេះ បើក​ជា​យូរណាស់​មក​ហើយ ហេតុ​អ្វី​បានជា​អ​ជ្ញា​ធរ និង​សមត្ថកិច្ច​ទើប​ចុះ​បង្ក្រាប ឬ​មន្ដ្រី​ថ្នាក់​ក្រោម​មិន​រាយការណ៍​ជូន​ថ្នាក់លើ ? ៕ (អត្ថបទដោយទេព វណ្ណះ)