របបរបស់ប្រធានាធិបតីស៊ីរី លោកបាសារ អាល់អាសាដ បានចោទប្រកាន់ក្រុមប្រដាប់អាវុធថាបានវាយប្រហារឧស្ម័នពុលកាលពីថ្ងៃសៅរ៍ ដែលបណ្តាលឱ្យមនុស្សរាប់សិបនាក់ថប់ដង្ហើម និងធ្វើឲ្យសម្ព័ន្ធមិត្តរបស់រដ្ឋាភិបាលគឺរុស្ស៊ី វាយប្រហារផ្លូវអាកាសសងសឹក «ក្រុមភេរវករ»។ ក្រុងដាម៉ាស បានស្នើសុំឱ្យអង្គការហាមប្រាមអាវុធគីមី (OPCW) ស៊ើបអង្កេតលើការវាយប្រហារគីមីដែលត្រូវបានគេចោទប្រកាន់នោះ។
នៅក្នុងសេចក្តីថ្លែងការណ៍មួយ អ្នកនាំពាក្យមន្ទីរបញ្ចកោណ លោកមេបញ្ជាការ Sean Robertson បានថ្លែង ថា៖ «ពិតជាមានសារៈសំខាន់ ក្នុងការធានាថា របបស៊ីរីនោះ ពិតជាមិនបានទាញយកផលប្រយោជន៍ ដោយលេសខុសឆ្គង ដើម្បីបំផ្លាញបទឈប់បាញ់នោះទេ»៕
