យន្តហោះ​របស់ក្រុមហ៊ុន Lion Air មួយទៀត បើកបុកបង្គោលនៅអាកាសយាន្តដ្ឋានទីក្រុង Bengkulu ឥណ្ឌូនេស៊ី ខណៈត្រៀមហោះឡើង - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

យន្តហោះ​របស់ក្រុមហ៊ុន Lion Air មួយទៀត បើកបុកបង្គោលនៅអាកាសយាន្តដ្ឋានទីក្រុង Bengkulu ឥណ្ឌូនេស៊ី ខណៈត្រៀមហោះឡើង

08/11/2018
(ហ្សាការតា)៖ យន្តហោះមួយគ្រឿង របស់ក្រុមហ៊ុនអាកាសចរណ៍ Lion Air បានបើកបុកទៅនឹងបង្គោលមួយ នៅឯអាកាសយាន្តដ្ឋាន Fatmawati ស្ថិតក្នុងទីក្រុង Bengkulu ឥណ្ឌូនេស៊ី នៅថ្ងៃពុធ ខណៈកំពុងត្រៀមហោះហើរឡើង ឆ្ពោះទៅកាន់ទីក្រុង Jakarta ប្រទេសឥណ្ឌូនេស៊ី ។ នេះបើយោងតាមសារព័ត៌មាន Channel News Asia ចេញផ្សាយឲ្យដឹង នៅយប់ថ្ងៃទី៧ ខែវិច្ឆិកានេះ។

​ហេតុការណ៍បុកនេះ បានបណ្តាលឱ្យស្លាបខាងឆ្វេងយន្តហោះ ដាច់បាក់បែក ព្រមទាំងបានបណ្តាលឱ្យ ជើងហោះហើរដែលពាក់ព័ន្ធ ធ្វើការពន្យារពេលផងដែរ។ ​ដោយបញ្ជាក់ប្រាប់ទៅកាន់ភ្នាក់ងារសារព័ត៌មាន ក្រុមហ៊ុន Lion Air បានឱ្យដឹងថា យន្តហោះមួយគ្រឿងផ្សេងទៀត ត្រូវបានបញ្ជូនទៅ ដើម្បីដឹកជញ្ជូនជំនួស ក្រុមអ្នកធ្វើដំណើរចំនួន១៤៣នាក់ នៃជើងហោះហើរ JT633 របស់ក្រុមហ៊ុន Lion Air ឆ្ពោះទៅកាន់ទីក្រុង Jakarta។
​​គួរជម្រាបថា៖ ហេតុការណ៏នេះ បានកើតឡើង ស្របពេលដែល ក្រុមអាជ្ញាធរ បាននឹងកំពុងបន្ត ការស្វែងរកសាកសព នៃក្រុមអ្នកធ្វើដំណើរ លើយន្តហោះ Lion Air ជើងហោះហើរ JT610 ដែលបានធ្លាក់ ចូលទៅក្នុងទឹកសមុទ្រ ខណៈធ្វើដំណើរចេញពីទីក្រុង Jakarta​ ឆ្ពោះទៅកាន់ទីក្រុង Pangkal Pinang កាលពីថ្ងៃទី២៩ ខែតុលាកន្លងទៅ ហើយគ្មានអ្នកណាម្នាក់ នៃមនុស្សទាំង១៨៩នាក់ ដែលជិះនៅលើយន្តហោះនោះ នៅរស់រានមានជីវិតនោះទេ។ របាយការណ៍ដំបូង ស្តីពីមូលហេតុពិតប្រាកដ ដែលបណ្តាលឱ្យឧបត្តិហេតុ ធ្លាក់យន្តហោះនេះកើតឡើង ត្រូវបានគេរំពឹងថា នឹងបង្ហាញនៅចុងខែវិច្ឆិកានេះ៕