Magic 2 នឹងចេញលក់លើទីផ្សារប្រទេសចិនផ្ដាច់មុខនៅថ្ងៃទី ៦ ខែវិច្ឆិកា ដោយមានតម្លៃចាប់ពីប្រមាណ ៥៤៥ ដុល្លារ ដល់តម្លៃប្រមាណ ៧០០ ដុល្លារ៕
ប្រភព៖ GSMarena
Honor Magic 2 ចេញជាផ្លូវការមានកាមេរ៉ាដល់ទៅ 6 គ្រាប់!
01/11/2018
ក្រុមហ៊ុន Honor ដែលជាក្រុមហ៊ុនសាខាមួយរបស់ Huawei បានប្រកាសចេញស្មាតហ្វូនថ្មីម៉ូដែល Magic 2 ដែលមានលក្ខណៈសម្បត្តិលេចធ្លោមួយចំនួនដូចជាកាមេរ៉ា ៦ គ្រាប់ អេក្រង់លាតពេញផ្ទៃ និងមានតម្លៃធូរថ្លៃជាដើម។
ដោយប្រើប្រាស់នូវរចនាបថហូតអាចឱ្យ Honor ផលិត Magic 2 មានអេក្រង់លាតពេញផ្ទៃដែលគ្មានក្បាលឆកដូចស្មាតហ្វូនដទៃឡើយ។ អេក្រង់នេះទៀតសោតជាប្រភេទ OLED ទំហំ ៦,៤ អ៊ីញ មានរាងកោង អាចបង្ហាញរូបក្នុងកម្រិត Full HD+។
ស្មាតហ្វូននេះប្រើប្រាស់បន្ទះឈីប Kirin 980 ជាបន្ទះឈីបផលិតដោយ Huawei ដែលមានសមត្ថភាពខ្លាំងជាង Snapdragon 845 របស់ Qualcomm។ RAM មានទំហំ ៦ GB ឬ ៨ GB ជាមួយអង្គផ្ទុក ១២៨ GB ឬ ២៥៦ GB ប៉ុន្តែមិនមានរន្ធដោតមេមូរីនោះទេ។
កាមេរ៉ាខាងក្រោយរបស់ Magic មានចំនួនបីគ្រាប់ ដោយកាមេរ៉ាមេទំហំ ១៦ MP, កាមេរ៉ាទីពីរទំហំ ២៤ MP ជាប្រភេទកាមេរ៉ាថតរូបស-ខ្មៅ និងទីបីជាកាមេរ៉ា Wide-Angle មានទំហំ ១៦ MP។ ប្រព័ន្ធកាមេរ៉ាខាងមុខវិញ មានកាមេរ៉ាមេកម្រិត ១៦ MP និងកាមេរ៉ាពីរទៀតទំហំ ២ MP ជាកាមេរ៉ាសម្រាប់វាស់ជម្រៅរូបភាព។
ជាមួយប្រព័ន្ធកាមេរ៉ា ៣ គ្រាប់ផ្នែកខាងមុខ អាចឲ្យ Magic 2 ដំណើរការមុខងារ 3D Face Unlock ដែលអាចស្កេនមុខដើម្បីដោះសោ។ ប្រសិនបើមិនចង់ប្រើមុខងារនេះ Magic 2 ក៏មានផ្ដល់ជម្រើសដោះសោផ្សេង ដោយមានទ្រនាប់ស្កេនម្រាមដៃបង្កប់ក្រោមផ្ទៃអេក្រង់។
Magic 2 នេះក៏មានកម្លាំងសាកថ្ម ៤០ វ៉ាត់ដូចជា Mate 20 Pro ដែល Hornor ឲ្យឈ្មោះថាបច្ចេកវិទ្យា Magic Charge។ Honor អះអាងថាបច្ចេកវិទ្យានេះអាចសាកថ្មទំហំ ៣៤០០ mAh បាន ៥០% ក្នុងពេលត្រឹមតែ ១៥ នាទី និងសាក ៣០ នាទីបាន ៨៥%។ Magic 2 ប្រើប្រាស់រន្ធ USB-C ដែលជារន្ធសម្រាប់សាកថ្មផង និងដោតកាសផង ដោយសារតែស្មាតហ្វូននេះគ្មានរន្ធដោតកាស 3.5 mm។
Magic 2 នឹងចេញលក់លើទីផ្សារប្រទេសចិនផ្ដាច់មុខនៅថ្ងៃទី ៦ ខែវិច្ឆិកា ដោយមានតម្លៃចាប់ពីប្រមាណ ៥៤៥ ដុល្លារ ដល់តម្លៃប្រមាណ ៧០០ ដុល្លារ៕
ប្រភព៖ GSMarena
Magic 2 នឹងចេញលក់លើទីផ្សារប្រទេសចិនផ្ដាច់មុខនៅថ្ងៃទី ៦ ខែវិច្ឆិកា ដោយមានតម្លៃចាប់ពីប្រមាណ ៥៤៥ ដុល្លារ ដល់តម្លៃប្រមាណ ៧០០ ដុល្លារ៕
ប្រភព៖ GSMarena
