(បច្ចេកវិទ្យា)៖ លោក Paul Allen ដែលជាសហស្ថាបនិកក្រុមហ៊ុន Microsoft រួមគ្នាជាមួយនឹងលោក Bill Gates បានទទួលមរណភាពហើយ នៅក្នុងវ័យ ៦៥ ឆ្នាំ កាលពីថ្ងៃទី ១៥ ខែតុលា ឆ្នាំ២០១៨។ នេះបើយោងតាមសេចក្ដីថ្លែងការណ៍របស់ក្រុមហ៊ុន Vulcan របស់លោក Paul Allen។
មូលហេតុស្លាប់របស់ Paul Allen គឺដោយសារការរើឡើងនៃជំងឺមហារីកម៉្យាង ដែលលោកធ្លាប់ព្យាបាលជាកាលពីឆ្នាំ២០០៩។
លោក Paul Allen និងលោក Bill Gates
លោក Allen និងលោក Gates បានបង្កើត Microsoft រួមគ្នាកាលពីឆ្នាំ១៩៧៥។ ភាពជោគជ័យរបស់ Microsoft បានលេចរូបរាងឡើងនៅឆ្នាំ១៩៨០ នៅពេលដែលក្រុមហ៊ុន IBM បានសម្រេចទិញប្រព័ន្ធប្រតិបត្តិការ Microsoft មកដាក់លើកុំព្យូទ័រដំបូងរបស់ខ្លួន៕
