ប្រយ័ត្នទៅស្រុកអស់លុយថ្ងៃភ្ជុំបិណ្ឌ បើហ៊ានបើកបរល្មើសរឿងតូចតាចទាំង ២០នេះ

(ភ្នំពេញ)៖ បើយោងតាមមាត្រា ៨ អនុក្រឹត្យស្តីពីការពិន័យអន្តរការណ៍ចំពោះអំពើល្មើសនឹងច្បាប់ស្តីពីចរាចរណ៍ផ្លូវគោកថ្មី ត្រូវពិន័យអន្តរការណ៍ចំពោះអ្នកបើកទោចក្រយានយន្ត ឬ ទោចក្រយានយន្តសណ្តោងរ៉ឺម៉ក ឬ ត្រីចក្រយានយន្តចំនួនទឹកប្រាក់ ២៥ ០០០ (ពីរម៉ឺនប្រាំពាន់) រៀល អ្នកបើកបរយានយន្តធុនស្រាលចំនួនទឹកប្រាក់ ៥០ ០០០ (ប្រាំម៉ឺន) រៀល និងអ្នកបើកបរយានយន្តធុនធ្ងន់ចំនួនទឹកប្រាក់ ១០០ ០០០ (មួយសែន) រៀល។

នេះជាបទល្មើសទាំង២០ ដែលមានដូចជា៖

ក- អ្នកបើកបរយានយន្តបើកដោយពុំមានលិខិតអនុញ្ញាតធ្វើអាជីវកម្ម ឬប្រើលិខិតធ្វើអាជីវកម្មហួសសុពលភាព។
ខ- អ្នកបើកបរយានយន្តមិនគោរពតាមលក្ខខណ្ឌសុខភាពដែលតំរូវឲ្យពាក់វែនតា។
គ- អ្នកបើកបរយានយន្តខុសទិសដែលតំរូវឲ្យធ្វើចរាចរណ៍ ឬបើកបរជាន់គំនូសបង្ហូតកណ្តាលទ្រូងផ្លូវ។
ឃ- អ្នកបើកបរយានយន្តហួសល្បឿនកំណត់ចាប់ពី ៣០ ទៅ ៣៩គីឡូម៉ែត្រ ក្នុងមួយម៉ោង។
ង- អ្នកបើកបរយានយន្តល្មើសនឹងកាជៀស ការបត់ និងការជែង។
ច- បើកបរយានយន្តល្មើសនឹងសិទ្ធិអាទិភាពនៅផ្លូវប្រសព្វ។
ឆ- អ្នកបើកបរយានយន្តល្មើសនឹងការប្រើប្រាស់ភ្លើងបំភ្លឺ ឬកែច្នៃភ្លើងបំភ្លឺភ្លើងសញ្ញានៃយានមិន ត្រឹមត្រូវ។
ជ- អ្នកបើកបរយានយន្តដែលមិនមាន ឬ មិនដំណើរការភ្លើងបំភ្លឺ ឬ ភ្លើងសញ្ញានៃយាន។
ឈ- អ្នកបើកបយានយន្តដែលមិនមាន ឬមិនដំណើរការភ្លើងបំភ្លឺ ឬភ្លើងសញ្ញានៃយាន។
ញ- អ្នកបើកបរយានយន្តមិនគោរពផ្លាកសញ្ញាហាមឃាត់ ឬ ផ្លាកសញ្ញាបញ្ជា ឬ ផ្លាកសញ្ញាសិទ្ធិអាទិភាព ឬគំនូសសញ្ញាសម្រាប់ថ្មើរជើងឆ្លងកាត់។
ដ- អ្នកបើកបរយានយន្តប្រព្រឹត្តមិនរាងចាលនូវអំពើល្មើសស្តីពីការឈប់ ឬ ចត។
ឋ- អ្នកបើកបរយានយន្តប្រើប្រាស់សំបកកង់សឹកលើសកម្រិតកំណត់ ឬ រហែក ឬ ប្រេះ ឬ ប៉ោង។
ឌ- អ្នកបើកបរយានយន្តមិនគោរពសញ្ញាបញ្ជាចរាចរណ៍របស់ភ្នាក់ងារនគរបាលចរាចរណ៍។
ឍ- អ្នកបើកបរយានយន្តផ្ទុកទំនិញល្មើសនឹងចំណុចទី១ ទី២ ទី៣ ទី៤ ទី៥ មាត្រា៥៦ នៃច្បាប់ស្តីពីចរាចរណ៍ផ្លូវគោក។
ណ- អ្នកបើកបររថយន្តធុនធ្ងន់ដែលគ្មានរនាំងសុវត្ថិភាព ឬ មានរនាំងសុវត្ថិភាពមិនត្រឹមត្រូវតាមបណ្តោយតួរថយន្តខាងក្រោម ឬ គ្មានគន្លឹះសុវត្ថិភាពសម្រាប់ភ្ជាប់កុងតឺន័រ ឬ គន្លឹះសុវត្ថិភាពសម្រាប់ភ្ជាប់កុងតឺន័រមិនដំណើរការ។