ក្រសួងអប់រំ សម្រេចរៀបចំគណៈកម្មការកោសល្យវិច័យ ដោះស្រាយចំពោះការមិនពេញចិត្តនឹងលទ្ធផលបាក់ឌុប ឆ្នាំ២០១៨ ក្រោយមានការតវ៉ាពីបេក្ខជន និងឪពុកម្តាយសិស្ស
12/09/2018
(ភ្នំពេញ)៖ ក្រសួងអប់រំ យុវជន និងកីឡា បានសម្រេចរៀបចំគណៈកម្មការកោសល្យវិច័យ ដើម្បីពិនិត្យដោះស្រាយចំពោះការមិនពេញចិត្ត នឹងលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២០ សីហា ២០១៨ ជូនបេក្ខជន មាតាបិតា អាណាព្យាបាល ឬអ្នកពាក់ព័ន្ធ ប្រកបដោយវិជ្ជាជីវៈ និងស្មារតីទទួលខុសត្រូវខ្ពស់ ដូចធ្លាប់អនុវត្តតាមនីតិវិធីនាឆ្នាំកន្លងមក។ នេះបើតាមសេចក្តីប្រកាសព័ត៌មាន របស់ក្រសួងអប់រំ ដែលបណ្តាញព័ត៌មាន VOB News ទទួលបាននៅថ្ងៃទី១២ ខែកញ្ញានេះ។
ក្រសួងអប់រំបញ្ជាក់ថា គណៈកម្មការកោសល្យវិច័យ នឹងចាប់ដំណើរការការងារពីថ្ងៃ ជូនដំណឹងនេះ ក្នុងរយៈពេល១សប្តាហ៍៕
