សាកល្បងលើម៉ាស៊ីនមានទំហំ RAM 6GB ដំណើរការលើ Android 9 Pie ដោយពិន្ទុ Multi-core ទទួលបាន ១០ ៤៦៩ តាមស្មើកម្លាំងឈីប A11 Bionic SoC មានបំពាក់លើ iPhone សេរ៊ីឆ្នាំ ២០១៧។ ប៉ុន្តែល្បឿន Single-core បានត្រឹម ៣ ៦៩៧ នៅចាញ់ A11 ហក់ដល់ ៤ ៣០០ ពោលបើតាមការប៉ាន់ប្រមាណ ប្រសិនណាធៀបនឹងឈីប A12 SoC ត្រៀមមកជាមួយ iPhone នាថ្ងៃទី ១២ ខែកញ្ញានេះទៀតនោះ ទំនងជានឹងខុសគ្នាកាន់តែឆ្ងាយ។
យ៉ាងណាមិញនេះមិនទាន់ជាលទ្ធផលតេស្តផ្លូវការនៅឡើយ ដោយប្រភពខ្លះជឿជាក់ថា msmnile ជាឈ្មោះឈីបប្រើសម្រាប់ឧបករណ៍ដំណើរការដោយប្រព័ន្ធប្រតិបត្តិ Windows ព្រោះ Qualcomm និង Microsoft ធ្លាប់បានប្រកាសពីកិច្ចសហប្រតិបត្តិការលើដំណើរការឈីប ARM នាពេលកន្លងមកផងដែរ៕
ប្រភព៖ GSMarena