ភាគហ៊ុននៃក្រុមហ៊ុន Amazon បានកើនឡើងជិត២ភាគរយ រហូតដល់កម្រិតខ្ពស់ គឺមួយភាគហ៊ុន មានតម្លៃ២,០៥០.៥០ដុល្លារអាមេរិក នៅក្នុងការជួញដូរ នាព្រឹកនេះ។ ភាគហ៊ុន ត្រូវការតែតម្លៃ២,០៥០.២៧ដុល្លារអាមេរិកប៉ុណ្ណោះ ក្នុងមួយភាគហ៊ុន ដើម្បីឈានដល់តម្លៃទីផ្សារ ១លានលានដុល្លារអាមេរិក ដោយផ្អែកលើភាគហ៊ុនចំនួន៤៨៧,៧៤១,១៨៩។
ភាគហ៊ុនរបស់ក្រុមហ៊ុន Amazon បានកើនឡើងជាង៧០ភាគរយ នៅក្នុងឆ្នាំ២០១៨នេះ ហើយបានកើនឡើងជាងទ្វេរដង នៅក្នុងរយៈពេល១២ខែ ចុងក្រោយនេះ។
គួររំលឹកថា ក្រុមហ៊ុន Apple បានក្លាយជាក្រុមហ៊ុនឯកជនដំបូងគេ នៅលើពិភពលោក ដែលមានតម្លៃឈានដល់ ១លានលានដុល្លារអាមេរិក កាលពីដើមខែសីហាកន្លងទៅ៕