ពេលនេះលោក DJ Koh នាយកប្រតិបត្តិផ្នែកជំនួញទូរសព្ទរបស់ Samsung បានបញ្ជាក់ថាក្រុមហ៊ុននឹងប្រកាសចេញស្មាតហ្វូនអាចបត់បាន នៅអំឡុងចុងឆ្នាំ ២០១៨ នេះតែម្ដង។ លោកបានបន្ថែមថា ដល់ពេលដែល Samsung បង្ហាញស្មាតហ្វូនអាចបត់បានហើយ ព្រោះថាការស្ទង់មតិបង្ហាញថាមានទីផ្សារសម្រាប់ស្មាតហ្វូនប្រភេទនេះ។
រូបតំណាង
ពេលវេលាជាក់លាក់នៃការបង្ហាញនេះមិនត្រូវបានបញ្ជាក់ឲ្យដឹងនោះទេ ប៉ុន្តែលោក Koh បង្ហើបថាអាចនឹងបង្ហាញចេញក្នុងកម្មវិធី Samsung Developers Conference ដែលកម្មវិធីនេះធ្វើឡើងនៅថ្ងៃទី ៧-៨ ខែវិច្ឆិកា។
រូបតំណាង
នាយកប្រតិបត្តិរូបនេះបានសង្កត់ធ្ងន់ថា គោលបំណងនៃការផលិតស្មាតហ្វូននេះ គឺចង់ផ្ដល់នូវបទពិសោធន៍ប្រើប្រាស់ប្លែកមួយទៀត នៅពេលពន្លាវាចេញមក។ លោកក៏បាននិយាយដែរថាអ្នកប្រើប្រាស់អាចបំពេញមុខងារជាច្រើន ទោះបីជាមិនពន្លាក្ដី៕ប្រភព៖ Sammobile