នៅថ្ងៃទី១២ ខែកញ្ញា (ពេលវេលានៅអាមេរិក) ឆាប់ៗខាងមុននេះ ក្រុមហ៊ុន Apple នឹងប្រកាសបង្ហាញរូបរាង ព្រមទាំងលក្ខណៈសម្បត្តិនៃ iPhone ជំនាន់ថ្មី ដែលពាក្យចចាមអារ៉ាមថា អាចមានរហូតដល់ទីបីស៊េរី ឬទំហំ និងពេលវេលានៃការចេញលក់ដល់អតិថិជនជាផ្លូវការផងដែរ ប៉ុន្តែធាតុពិតយ៉ាងណានោះ គឺត្រូវរង់ចាំថ្ងៃប្រកាសជាផ្លូវការមកដល់។
គួរបញ្ជាក់ថា ស៊េរីទូរស័ព្ទដែលគ្រប់គ្នារំពឹងថា ក្រុមហ៊ុន Apple នឹងបញ្ចេញនៅថ្ងៃទី១២ ខែកញ្ញា នោះមានដូចជា iPhone 8s ឬ SE2, iPhone XS និង iPhone XPlus ជាដើមដែលប្រាកដជាបង្កព្យុះភ្លៀងក្នុងពិភពបច្ចេកវិទ្យាជាថ្មី បន្ទាប់ពីការបញ្ចេញ iPhone X ក្បាលឆក ដែលមានតម្លៃជាងមួយពាន់ដុល្លារ ប៉ុន្តែមានអ្នកគាំទ្រកើនឡើងយ៉ាងសន្ធឹកសន្ធាប់កាលពីឆ្នាំ២០១៧៕