រដ្ឋមន្ត្រីឧស្សហកម្ម និងពាណិជ្ជកម្មរុស្ស៊ីលោក ឌែនីស មែនទូរ៉ូវ (Denis Manturov) លើកឡើងយ៉ាងដូច្នេះថា «ខ្ញុំគ្រាន់តែអាចនិយាយបានថា យើងបាន ត្រៀមខ្លួនរួចជាស្រេចក្នុងការផលិតនាវាផ្ទុកឧទ្ធម្ភាគចក្រ និងលក់វាទៅឱ្យអតិថិជន ក្នុងនោះរួមមានទំាងបរទេសដែលបង្ហាញការចាប់អារម្មណ៍ និងបញ្ជាទិញ»។
គួរបញ្ជាក់ថា កាលពីខែសីហាលោក Denis Manturov ក៏ធ្លាប់បានបញ្ជាក់ដែរថា រុស្ស៊ីអាចនឹងផលិតនាវាចម្បាំងប្រយុទ្ធ ជាជាងផលិតនាវាផ្ទុកឧទ្ធម្ភាគចក្រ បន្ទាប់ពីគំរោងទិញនាវាចម្បាំង មីស្ត្រាល់ (Mistral) ពីប្រទេសបារាំងក្នុងតម្លៃជាង ១.៣ពាន់លានដុល្លារ ត្រូវបាន លុបចោលដោយសារតែការដាក់ទណ្ឌកម្ម ប្រឆាំងនឹងទីក្រុងម៉ូស្គូកាលពីឆ្នាំ២០១៥៕