សាហាវមែន២នាក់ប្តីប្រពន្ធចងផ្អោបគ្រាប់បែករួចបំផ្ទុះសម្លាប់ខ្លួនឯង - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

សាហាវមែន២នាក់ប្តីប្រពន្ធចងផ្អោបគ្រាប់បែករួចបំផ្ទុះសម្លាប់ខ្លួនឯង

22/08/2018
មណ្ឌលគិរី ៖ បើតាមសេចក្តីរាយការមកថា នៅម៉ោងប្រមាណជា០២និង៥០នាទី នេះ ប្តីប្រពន្ធពីរនាក់បានសម្រេចចិត្តបំផ្ទុះគ្រាប់បែកធ្វើអត្តឃាតសម្លាប់ខ្លួន បង្កឱ្យមានការភ្ញាក់ផ្អើលយ៉ាងខ្លាំង ។

បើតាមសេចក្តីរាយការណ៍ប្រាប់ថា ហេតុការដែលកម្រនេះ បានកើតឡើងនៅរសៀលថ្ងៃទី២១សីហានេះ ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។
ចំពោះគ្រាប់ដែលអ្នកទាំងពីរបំផ្ទុះស្លាប់នេះ អាចជាម្សៅTNT មិនមែនជាគ្រាប់បែកទេ។

បើតាមនគរបាលមូលដ្ឋានកំពុងសើុបអង្កេតលើករណីនេះ។សមត្ថកិច្ចថាជនរងគ្រោះជាប្តីប្រពន្ធ ដោយប្តីមានឈ្មោះសុីម ធីប អាយុ៣៧ឆ្នាំ មានស្រុកកំណើតនៅទឹកដីខេត្តព្រៃវែង។

ចំណែកប្រពន្ធឈ្មោះនឿន ឡែន អាយុ៣២ឆ្នាំ មានស្រុកកំណើតខេត្តកំពង់ឆ្នាំង។

សេចក្តីរាយការបឋមដែលទទួលបានចុងក្រោយពីអ្នកភូមិពូទុង បានអោយដឹងថា ជនរងគ្រោះជាប្រពន្ធធ្លាប់ប៉ុនប៉ងសម្លាប់ខ្លួនចំនួនបីដងរួចមកហើយ តែមិនបានសម្រេច ព្រោះតែប្តីចេះតែឈ្លោះប្រកែកនិងរករឿង ប្រច័ណ្ឌ ប្រពន្ធ។

ទោះជាយ៉ាងណាក្នុងករណីបំផ្ទុះគ្រាប់បែកធ្វើអត្តឃាតនេះ នគរបាលកំពុងស្រាវជ្រាវបន្ត ដើម្បីបញ្ជាក់អោយកាន់តែច្បាស់បន្ថែមទៀត៕