មាន​រឿង​អ្វីទៅ? ប្រធានាធិបតី​ទួរគី​ប្រាប់​ឲ្យ​ពលរដ្ឋ​ឈប់​ប្រើ iPhone - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

មាន​រឿង​អ្វីទៅ? ប្រធានាធិបតី​ទួរគី​ប្រាប់​ឲ្យ​ពលរដ្ឋ​ឈប់​ប្រើ iPhone

17/08/2018
សហរដ្ឋអាមេរិក​ និង​ប្រទេស​ទួរគី​បច្ចុប្បន្ន​ត្រូវ​បាន​គេ​ដឹង​ថា​កំពុង​រង​បញ្ហា​ច្របូកច្របល់​នៃ​នយោបាយ​ការទូត រហូត​បណ្តាល​ឲ្យ​ផ្ទុះ​កើត​មាន​សង្គ្រាម​សេដ្ឋកិច្ច​រវាង​ប្រទេស​ទាំង​ពីរ។ ឆ្លើយតប​មក​វិញ​ប្រធានាធិបតី​លោក Reycep Teyepp Erdogan បាន​អំពាវនាវ​ឲ្យ​ពលរដ្ឋ​ខ្លួន​បញ្ឈប់​ការ​ទិញ​ទំនិញ​អេឡិចត្រូនិក​របស់​អាមេរិក ជា​ពិសេស​គឺ​ទូរសព្ទ iPhone នៃ​ក្រុមហ៊ុន Apple។
ក្នុង​សន្ទរកថា​រាយការណ៍​ដោយ​ CNBC លោក Erdogan បាន​មាន​ប្រសាសន៍​ថា៖ "ប្រសិន​ពួក​គេ​មាន​ប្រើប្រាស់ iPhone នោះ​ក៏​នឹង​មាន SAMSUNG នៅ​ផ្នែក​ម្ខាង​ទៀត ទាំង​ដែល​ពួក​យើង​ក៏​កំពុង​មាន​ម៉ាក​ទូរសព្ទ​ផ្ទាល់​ខ្លួន ពោល​គឺ​យើង​នឹង​ផលិត​ឲ្យ​បាន​គ្រប់គ្រាន់​សម្រាប់​តម្រូវការ​ក្នុង​ស្រុក ជា​ជាង​ការ​នាំ​ចូល​ទំនិញ​ពី​សហរដ្ឋអាមេរិក”។
លោក Erdogan បាន​បង្ហើប​នូវ​ស្លាកយីហោ Vestel Venus ជា​ក្រុមហ៊ុន​ក្នុង​ស្រុក​ផលិត​ឧបករណ៍​អេឡិចត្រូនិក​មាន​តាំង​ពី​ស្មាតហ្វូន​ដល់​ទូរទស្សន៍។ Z20 ម៉ូឌែល​ស្មាតហ្វូន​ចុង​ក្រោយ​នៃ​ក្រុមហ៊ុន Vestel ដាក់​បង្ហាញ​កាល​ពី​ដើម​ឆ្នាំ ២០១៨ ស្ថិត​នៅ​តម្លៃ​លក់ ២៨០ ដុល្លារ ។
ជា​ស្មាតហ្វូន​ធុន​កណ្តាល​បំពាក់​អេក្រង់ ៥,៦៥ អ៊ីញ កម្រិត FHD មាត្រដ្ឋាន ១៨:៩ អម​ឈីប​ Qualcomm Snapdragon 630 លាយ​ឡំ RAM ទំហំ 4GB និង ROM 64GB។ ប្រព័ន្ធ​ដំណើរការ Android 8.1 Oreo បំពាក់​នូវ​កាមេរ៉ា​ភ្លោះ​ក្រោយ ១៦ + ៥MP និង​ខាង​មុខ ៥MP៕




ប្រភព៖ thenextweb