តាមសម្តីអ្នកបកប្រែបានឱ្យជនរងគ្រោះបានឱ្យដឹងថា ដែលជាស្ត្រីជនជាតិ២នាក់ បានឱ្យដឹងថា មុនពេលកើតហេតុ រូបគាត់២នាក់ បានបើករថយន្តចេញពីហូបអាហារនៅជិតកន្លែងកើតហេតុ គោលបំណងត្រឡប់ទៅផ្ទះវិញ នៅខណ្ឌសែនសុខ ។ ខណៈពេលនោះ ពួកគាត់ បានបើករថយន្ត មកដល់ចំនុចផ្លូវ១២៣កែងនិង៤៥៦ ក៏បានឈប់រថយន្ត បើកកញ្ចក់ហើយនិយាយទូរសព័្ទ ស្រាប់តែមានបុរសជាជនសង្ស័យ ២នាក់ បានជិះម៉ូតូម៉ាកស្កុបពី មកធ្វើសកម្មភាព លួកដៃឆក់យកទូរសព័្ទ ម៉ាក់ mertu ដែលទិញតំលៃ ជិត២ពាន់ដុល្លារ បានសម្រេចហើយព្យាយាមជិះម៉ូតូរត់គេចខ្លួន តែដោយសារតែហេតុការណ៍បែបនេះ ពួកគាត់ជាជនរងគ្រោះ ក៏បានបើករថយន្តដេញតាមជនសង្ស័យ មកដល់ ចំនុចកើតហេតុ ក៏បំបុកជនសង្ស័យទាំង២នាក់ ផ្ទប់នឹងរបងផ្ទះប្រជាពលរដ្ឋតែម្តងទៅ ។
ក្រោយកើតហេតុ មានសាច់ញាតិរបស់ជនសង្ស័យ បានមកស្រែកឡូឡាថានារីជនជាតិចិនបានបើករថយន្តដេញបុកមិនមែនជាករណីឆក់នោះទេ ព្រោះពួកគេទើបនឹងចេញពីផ្ទះបាន៥នាទីប៉ុណ្ណោះ ហើយសូមឱ្យសមត្ថកិច្ច បើកការស្រាវជ្រាវ រកហេតុផលឱ្យបានច្បាស់លាស់ផង ។
ជនសង្ស័យទាំង២នាក់ដែលរងរបួសធ្ងន់ធ្ងរ ត្រូវបានរថយន្តសង្គ្រោះបានមកដឹកយកទៅសង្គ្រោះនៅមន្ទីពេទ្យមិត្តភាពខ្មែរសូវៀត ។ ចំនែកជនរងគ្រោះត្រូវបានសមត្ថកិច្ចដឹកយកទៅសាកសួរ និងដាក់ពាក្យបណ្តឹងនៅប៉ុស្តិ៍នគបាលទួលទំពូង១ ។ ហើយរថយន្ត និងម៉ូតូសមត្ថកិច្ចយកទៅរក្សាទុកនៅអធិការដ្ឋានខណ្ឌចំការមន ។
