ទំនាស់គ្រួសារ ផ្ទះអាវុធ៣គ្រាប់ ក្នុងខណ្ឌ៧មករាបង្កការភ្ញាក់ផ្អើល!!!
08/08/2018
រាជធានីភ្នំពេញ៖ បុរសម្នាក់បើករថយន្តខេមរភូមិន្ទ មកឈប់មុខផ្ទះរួចស្រែកឡូឡា បន្ទាប់ មកក៏បានដកកាំភ្លើងខ្លី១ដើម រួចបាញ់ឡើងលើចំនួន៣គ្រាប់ផ្ទួនៗគ្នាហើយបើករថយន្តគេចចេញបាត់ស្រមោល ដែលបង្កអោយមានការភិតភ័យនិងភ្ញាក់ផ្អើលដល់ប្រជាពលរដ្ឋរស់នៅជិតខាងយ៉ាងខ្លាំងផងដែរ.ករណីបាញ់បោះសេរីនេះបានកើតឡើងនៅពីវេលាម៉ោងជាង១០យប់ ថ្ងៃទី៧ ខែសីហា ឆ្នាំ ២០១៨ ស្ថិតនៅផ្សារឌុយម៉េច តាមបណ្ដោយផ្លូវ១០៩ ស្ថិតក្នុងសង្កាត់មនោរម្យ ខណ្ឌ៧មករា រាជធានីភ្នំពេញ។
ប្រភពព័ត៌មានពីអ្នករស់នៅជិតខាងប្រាប់អោយដឹងថា នៅមុនកើតហេតុ គាត់បានឃើញបុរសម្នាក់បើករថយន្តខេមរភូមិន្ទ 2-6565 មកឈប់មុខផ្ទះ រួចមានទំនាស់ពាក្យសំដីជាមួយក្រុមគ្រួសារ ហើយស្រែកឡូឡា មួយសន្ទុះក្រោយក៏បានដកកាំភ្លើងខ្លី១ដើម បាញ់ឡើងលើចំនួន៣គ្រាប់ផ្ទួនៗគ្នា រួចបើករថយន្តចេញទៅបាត់ស្រមោល ដែលបង្កអោយមានការភិតភ័យនិងភ្ញាក់ផ្អើលដល់ប្រជាពលរដ្ឋរស់នៅជិតខាងយ៉ាងខ្លាំងផងដែរ។សូមបញ្ជាក់ផងដែរថាក្រោយពីបាញ់រួចក្រុមអ្នកសារព័ត៌មានយើងបានចុះទៅឃើញសំបកគ្រាប់កាំភ្លើងមិនស្គាល់ម៉ាក៣គ្រាប់នៅនឹងមុខផ្ទះផងដែរ តែក៏មានស្ត្រីម្នាក់ក៏បានរត់មកប្រមូលសំបកគ្រាប់យកទៅទុកក្នុងចូលផ្ទះដើម្បីគេចពីអ្នកការសែតផងដែរ ។
