លុះមួយសន្ទុះក្រោយមកក្រុមទាំងពីរបានមើលមុខគ្នា និយាយឌឺដងដាក់គ្នា ក៏ទាក់មាត់ ទាក់សម្តីគ្នា ស្រាប់តែក្រុមទាំងពីរបានបើកឆាកប្រយុទ្ធគ្នា ដោយយកកែវស្រា ទាញគប់គ្នា ហើយបានវាយគ្នាទៅវិញទៅមក ដោយក្រុមជនបង្ករបានព្រួតគ្នា វាយនិងគប់កែវទៅលើក្រុមជនរងគ្រោះ បណ្តាលអោយបុរសម្នាក់បែកក្បាល រយះជាច្រើនកន្លែង ហូរឈាមស្រោចពេញខ្លួន បង្ករអោយមានការភ្ញាក់ផ្អើលជាខ្លាំង។
បន្ទាប់មកក្រុមជនបង្ករបានឡើងលើម៉ូតូនាំគ្នាជិះរត់គេចខ្លួនបាត់ មុនសមត្ថកិច្វមកដល់កន្លែងកើតហេតុ។ ភ្លាមៗនោះជនរងគ្រោះក៏បានបញ្ជូនទៅមន្ទីរពេទ្យដើម្បីជួយសង្គ្រោះ។ រីឯក្រុមជនបង្ករសមត្ថកិច្វកំពុងធ្វើការស្រាវជ្រាវចាប់យកមកសួរនាំ ដើម្បីចាត់ការទៅតាមផ្លូវច្បាប់។
ពាក់ព័ន្ធនិងរឿងរ៉ាវខាងលើនេះដែរ ប្រជាពលរដ្ឋបានលួចបង្ហើបថា ទីតាំងហាង អឹម ដឺ បេសហ្វូត (PUB) បង្ករហិង្សាវាយគ្នាស្ទើរជារៀងរាល់យប់តែម្តង ពេលដែលចាប់ផ្តើមបើកហាងនោះ ហើយបើនិយាយពីសម្លេងវិញ គឺក្រុមម្ចាស់ហាងទាំងនោះបើកសម្លេងលឺៗរកតែពួកគាត់ដេកពុំបានទេ។ ពួកគាត់បានសំណូមពរទៅដល់អាជ្ញាធរមានសមត្ថកិច្ចមេត្តាជួយមានវិធានការកុំអោយមានការវាយតប់គ្នា និងសុំអោយម្ចាស់ហាងអស់ទាំងនោះបើកសម្លេងតិចៗផង ។
សូមរំលឹកថា នៅថ្ងៃទី២៥ កក្កដា ២០១៨ វេលាម៉ោង១១និង៣០នាទីយប់ នៅក្នុងហាង អឹម ដឺបេស ហ្វូត ក្រុមក្មេងស្ទាវពីរក្រុមបានផឹកស៊ីនៅក្នុងហាង បានបង្ករជម្លោះវាយតប់គ្នាទៅវិញទៅមក បង្ករការភ្ញាក់ផ្អើលដល់សមត្ថកិច្ចក្រុងតាខ្មៅ ចុះទៅជួយអន្តាគមន៍ភ្លាមៗ។
ស្របពេលនោះម្ចាស់ហាងបានហៅ ភាគីក និងភាគីខ មកផ្សះផ្សារជម្លោះតែភាគីទាំងសងខាងមិនបានស្តាប់តាមអ្វីដែលម្ចាស់ហាងសំណូមពរនោះទេ ក៏បង្ករជម្លោះវាយតប់គ្នា ផ្អើលអ្នកផឹកស៊ី(ភ្ញៀវ)រត់ពេញហាង ទើបសមត្ថកិច្ចចុះទៅជួយអន្តរាគមន៍ដល់កន្លែងកើតហេតុភ្លាមៗ។ក្រុមទាំងពីរត្រូវបានកម្លាំងជំនាញព្រហ្មទណ្ឌនាំយកមកអធិការដ្ឋានដើម្បីធ្វើការសាកសួរ ។
