ទើប​តែ​ហោះ​បាន​បន្តិច​ក៏​បុក​គ្នា​ស្លាប់​១៨​នាក់ - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

ទើប​តែ​ហោះ​បាន​បន្តិច​ក៏​បុក​គ្នា​ស្លាប់​១៨​នាក់

06/08/2018
(ប្រទេស​រុ​ស្)៖ ក្រោយ​ការ​បុក​គ្នា​ជាមួយ​ឧទ្ធម្ភាគចក្រ​មួយទៀត ឧទ្ធម្ភាគចក្រ​រុ​ស្ស៊ី​១​គ្រឿង​បាន​ធ្លាក់​កាលពី​ព្រឹក​ថ្ងៃ​ទី​៤ ​សីហា នៅ​ភាគ​ខាងជើង​តំបន់​ស៊ីបេ​រី បណ្ដាល​ឲ្យ​មនុស្ស​ស្លាប់​១៨​នាក់​។​ នេះ​ជា​ការ​ប្រកាស​របស់​ក្រសួង​ដឹក​ជញ្ជូន​រុ​ស្ស៊ី​។ ហើយ​​ជន​រង​គ្រោះ​ទាំង​នេះ​ជិះ​ឧទ្ធម្ភាគចក្រ​នោះ​ទៅ​ធ្វើការ​នៅ​ឯ​ស្ថានីយ៍​ប្រេង​មួយ​។

ក្នុង​ចំណោម​អ្នក​ស្លាប់​ទាំងនេះ មាន​សមាជិក​ក្រុម​យានិក​៣​នាក់​ និង​និយោជិត​ស្ថានីយ​ប្រេង​១៥​នាក់​។ ​ឧទ្ធម្ភាគចក្រ​ធុន MI-8 នេះ ក្រោយ​ហោះ​ចេញ​បន្តិច​ជាមួយ​ប្រ​ព័​ន្ធ​ដឹក​ជញ្ជូន​សម្ភារ​ភ្ជា​ប់​ជាមួយ​ឧទ្ធម្ភាគចក្រ​មួយទៀត​ បាន​បុក​គ្នា​។ ហើយ​​ឧ​ទ្ធ​ម្ភា​ចក្រ​ទី​២​ ក្រោយ​បុក​គ្នា​អាច​ចុះ​ដោយ​គ្មាន​បញ្ហា​។
គ្រោះថ្នាក់​នោះ​កើត​មាននៅ​ទីតាំង​ប្រេង​វ៉ា​ន​កូ ជា​តំបន់​ប្រេងកាត​ និង​ឧស្ម័ន​សំខាន់​មួយ ស្ថិត​នៅ​ខាងជើង​តំបន់​ KRASNOIARSK​ ហើយ​ធ្វើ​អាជីវកម្ម​ដោយ​ក្រុមហ៊ុន​ប្រេង​ជាតិ​ROSNEFT​។ ​នៅ​ទីនោះ​មាន​អណ្ដូង​ប្រេងកាត​ជា​ច្រើន​រយ​ហើយ​ស្ថិត​មិន​ឆ្ងាយ​ប៉ុន្មាន​ពី​ប៉ូ​ល​ផែនដី​។​ ដោយសារ​លក្ខខណ្ឌ​អាកាសធាតុ​នៅ​ទីនោះ មានការ​លំបាក​ខ្លាំង​ ព្រោះ​ត្រជាក់ បណ្ដា​និយោជិត​ត្រូវ​ប្ដូរ​វេន​គ្នា​ធ្វើការ រួច​ការ​ធ្វើ​ដំណើរ​ពឹងផ្អែក​ជា​ពិសេស​លើ​ឧទ្ធម្ភាគចក្រ​។

ឧទ្ធម្ភាគចក្រ​ជួប​គ្រោះថ្នាក់​ជា​របស់​ក្រុមហ៊ុន​ជាតិ​រុ​ស្ស៊ី ​UTAIR ​ដែល​បញ្ជាក់​ថា ​គ្រោះ​ថ្នាក់​កើត​មាន​នា​វេលា​ម៉ោង​២​និង​៤៣​នាទី​រំលង​អា​ធ្រា​ត្រ​ពេល​ហោះ​ឡើង​ពី​ស្ថានីយ​ប្រេង​សំខាន់​នៅ​វ៉ា​ន​កូ​។ ​ក្រសួង​ដឹក​ជញ្ជូន​ប្រកាស​ថា ​គណៈកម្មការ​ស៊ើ​ប​អង្កេត​មួយ​ត្រូវ​បាន​បង្កើត​ឡើង ដើម្បី​រក​មូលហេតុ​នៃ​គ្រោះថ្នាក់​ដែល​អាច​មក​ពី​បំណង​ឧក្រិដ្ឋ​ណាមួយ៕