ក្រោយបញ្ចប់ការប្រកួតយកបានខ្សែក្រវាត់ WBA welterweight នៅទីក្រុងកូឡាឡាំពួរ ប្រទេសម៉ាឡេស៊ី Pacquiao ប្រាប់សារព័ត៌មានថា ខណៈខ្លួនត្រៀមចិត្តរួចរាល់ដើម្បីសងសឹក ប៉ុន្តែអ្វីៗសម្រេចលើ Mayweather ដែលបានចូលនិវត្តន៍បាត់ទៅហើយនោះ។
Pacquiao បានទទូចថា Floyd គួរតែត្រលប់ចូលរេញវិញ ហើយគេនឹងមិនស្ទាក់ស្ទើរឡើយសម្រាប់ការពិចារណាវាយជាមួយគ្នាជាលើកទីពីរ។ យ៉ាងណាមិញអ្នកប្រដាល់អាស៊ីវ័យ៣៩ឆ្នាំបញ្ជាក់ថា Mayweather មិនមែនជាមុខសញ្ញាតែម្នាក់ដែលគេចង់វាយនោះទេ នៅមានកីឡាករផ្សេងៗទៀត។
Pacquiao & Lucas Matthysse
Manny Pacquiao និង Floyd Mayweather ធ្លាប់ប៉ះគ្នាកាលពីឆ្នាំ២០១៥ ដែលជាការប្រកួតរកចំណូលបានច្រើនជាងគេប្រចាំប្រវត្តិសាស្ត្រប្រដាល់។ កាលនោះជ័យជម្នះរបស់ Floyd ធ្វើឲ្យអ្នកទស្សនារាប់លានអ្នកមិនពេញចិត្តឡើយ ព្រោះគិតថាអ្នកប្រដាល់អាមេរិករូបនេះគិតតែរត់ពេញរេញ៕ ប្រភព៖ news.abs-cbn