ចប់ World Cup ភ្លាម FIFA បង្ហោះវីដេអូរំជួលចិត្តភ្លែត ធ្វើឲ្យនឹកស្រណោះកម្មវិធីមួយនេះ
បញ្ចូលដោយ៖
Laiheang Vobfm
-
16/07/2018
បន្ទាប់ពី World Cup បានចាប់ផ្ដើមជាង ១ ខែកន្លងមក កាលពីយប់ម្សិលមិញ ជើងឯកបាល់ទាត់ពិភពលោកថ្មីត្រូវបានរកឃើញ។ ពួកគេគឺក្រុមជម្រើសជាតិបារាំង។ ក្រោយចប់កម្មវិធីនេះ ស្ថាប័នបាល់ទាត់ពិភពលោក FIFA បានបង្ហោះវីដេអូមួយសង្ខេបអំពីព្រឹត្តិការណ៍សំខាន់ៗដែលបានកើតឡើងក្នុងកម្មវិធីមួយនេះ។
តាមរយៈគណនី Youtube របស់ខ្លួន FIFA បានបង្ហោះវីដេអូប្រមាណជិត ៤ នាទីអំពីព្រឹត្តិការណ៍សំខាន់ៗដែលបានកើតឡើងក្នុង World Cup ២០១៨ ដែលបានប្រព្រឹត្តិទៅនៅក្នុងប្រទេសរុស្ស៊ី។ វីដេអូត្រូវបានបង្ហោះឡើងក្រោមចំណងជើង “Russia 2018 – An Unforgettable World Cup” ឬ "រុស្ស៊ីឆ្នាំ ២០១៨ – ព្រឹត្តិការណ៍ World Cup ដែលមិនអាចបំភ្លេចបាន"។
FIFA មិនបានបញ្ជាក់ថា មូលហេតុអ្វីដែលនាំឲ្យខ្លួនជ្រើសយកចំណងជើងខាងលើឡើយ។ ទំនងជាស្ថាប័នមួយនេះ យល់ថាក្នុងព្រឹត្តិការណ៍ World Cup លើកនេះ មានលទ្ធផលប្រកួតគួរឲ្យភ្ញាក់ផ្អើលជាច្រើន ដូចជា អាល្លឺម៉ង់បានធ្លាក់ត្រឹមវគ្គ Group Stage និងអេស្ប៉ាញត្រូវបានទម្លាក់ដោយរុស្ស៊ីជាដើម បានកើតឡើង ទើបបានជាដាក់ចំណងជើងបែបនេះមើលទៅ។
នៅខាងក្រោមវីដេអូ FIFA ក៏បានបង្ហាញការអបអរដល់ក្រុមមាន់គកបារាំងដែលបានលើកពាន World Cup ជាលើកទី២ ក្នុងប្រវត្តិសាស្ត្ររបស់ខ្លួន។
ខាងក្រោមជាវីដេអូដែលបាន FIFA បានបង្ហោះក្រោយព្រឹត្តិការណ៍ World Cup បានបិទបញ្ចប់៖៕
