មុនពេលកើតហេតុ ជនរងគ្រោះ ឈ្មោះ មុំ សេង បាននាំកូនចៅនិងសាច់ញាតិ ទៅលេងតំបន់ទេសចរណ៍ទឹកជ្រោះទឹកធ្លាក់ជ្រាវ នៅភ្នំឱរ៉ាល់ បន្ទាប់ពីត្រឡប់មកពីជ្រាវវិញ ក៏ឆ្លៀតចូលលេងទឹកធ្លាក់ក្រោយចំការ ឈ្មោះគឹម ផាន់ ជាមួយបងប្អូនកូនចៅ និងសាច់ញាតិក៏ចូលលេងក្នុងទឹកស្ទឹងជាធម្មតា ។
លុះដល់ម៉ោងកើតហេតុខាងលើ ក៏មានភ្លៀងធ្លាក់ជាខ្លាំង បន្ទាប់មកក៍មានទឺកជំនន់ហូរពីខាងលើយ៉ាងកំហុក បានបោកជនរងគ្រោះឈ្មោះ មុំ សេង ពេលឃើញដូចនេះ ឈ្មោះ គឺម ផាន់ក៏បានស្ទុះលោតទៅជួយ ក៏បានទឺកបោកបាត់ខ្លួនទាំងពីរនាក់តែម្ដង។ ពេលឃើញហេតុការដូចនោះ កំលាំងប៉ុស្តិ៍អមលាំង ដោយសហការជាមួយប្រជាការពារ ដែលការពារនៅទីនោះបានអន្តរាគមន៍ ចុះរាវរករហូតដល់ម៉ោង ១៧និង៣០នាទី ទើបរកឃើញសព នៅចំណុចក្រោមស្ពានភូមិទឹកចេញចំងាយ ២០០ម៉ែត ។
សមត្ថកិច្ចមូលដ្ឋាន ក្រោយពីជួយរកសពឃើញ ក៏បានប្រគល់ជូនសាច់ញាតិយកទៅធ្វើបុណ្យតាមប្រពៃណីនៅស្រុកកំណើតរៀងៗខ្លួន ។
ហេតុការណ៍បែបនេះកើតឡើងច្រើនករណីមកហើយនៅទឹកជ្រោះជ្រៀវ ដោយសារតែទីនោះផ្ទាំងថ្មនៅមានស្លែច្រើន ងាយនឹងរអិលតាមខ្សែរទឹកហូរផងដែរ ។
