ថៃ៖ យោងតាមព័ត៌មានបឋមមួយ បានឱ្យដឹងថា នាព្រឹកថ្ងៃទី ១២ ខែមិថុនា ឆ្នាំ ២០១៨ នេះ សមត្ថកិច្ចថៃបានចុះបង្ក្រាប ការជួញដូរថ្នាំញៀនឆ្លងដែន នៅផ្សាថៃ «ផ្សារណងព្រឺ» រហូតឈានដល់ ចាប់ខ្លួនស្ត្រីជនជាតិខ្មែរម្នាក់ឈ្មោះ ប៉ាន ជុម អាយុ ៣៥ឆ្នាំ មានទំនៅ នៅភូមិដូង ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ពីបទជួញដូរថ្នាំញៀនឆ្លងដែន ។
ប្រភពដដែលបានឱ្យដឹងថា ក្រោយពីឃាត់ខ្លួនស្ត្រីខាងលើ សមត្ថកិច្ចថៃបានដកហូត ភស្ដុតាងមួយចំនួនរួមមាន ថ្នាំញៀនចំនួន ៤កញ្ចប់ (ក្នុងនោះ មានម៉ាទឹកកក ១កញ្ចប់) ។
បច្ចុប្បន្នជនសង្ស័យ រួមទាំងវត្ថុតាងត្រូវបានសមត្ថកិច្ចថៃ បញ្ជូនទៅកាន់ស្នងការខេត្តស្រះកែវ ដើម្បីស្រាវជ្រាវបន្ត ។