ក្រោយពីដាច់ចិត្តទម្លាយរឿងរៀបការមានកូនកាលពីពេលថ្មីៗកន្លងទៅ ឥឡូវកំពូលតារាចម្រៀង ខេមរៈ សិរីមន្ត បានបណ្ដើរភរិយាជាទីស្រឡាញ់ទៅចូលរួមទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា លើកទី១៥៥ ហើយនៅព្រឹកមិញនេះ។
ខេមរៈ សិរីមន្ត និងភរិយា ថតរូបអនុស្សាវរីយ៍ជាមួយសម្តេចប្រធានកាកបាទក្រហមកម្ពុជា
ការបណ្ដើរភរិយាលើកទី១ ជាសាធារណៈបានធ្វើឲ្យមិត្តភ័ក្ដិក្នុងទាំងក្រៅសិល្បៈមានការភ្ញាក់ផ្អើលយ៉ាងខ្លាំងជាពិសេសប្រិយមិត្តដែលគាំទ្រកំពូលតារាចម្រៀងរូបនេះផ្ទាល់តែម្ដង។ ចំពោះការបង្ហាញវត្តមានជាមួយប្រពន្ធលើកដំបូងក្នុងទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា លើកទី១៥៥ នេះ ខេមរៈ សិរីមន្ត ក៏បានរួមចំណែកជួយដល់សង្គម ១ពាន់ដុល្លារអាមេរិក។
ក្នុងទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា លើកទី១៥៥នេះ មានការអញ្ជើញចូលរួមក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា៕
