នៅក្នុងសន្និសីទសារព័ត៌មាន លោក Jurgen Klopp អ្នកចាត់ការទូទៅបានមានប្រតិកម្មទៅអ្នកគាំទ្រ Liverpool ដែលបារម្ភហួសហេតុ និងក្រុមអ្នកគាំទ្រផ្សេងទៀតដែលគិតថា Roma នឹងវាយបកយកឈ្នះ ៣-០ វិញសម្រាប់ជើងទីពីរដូចដែលពួកគេធ្វើបានទល់នឹង Barcelona កាលពីវគ្គ៨ក្រុមចុងក្រោយ។
បុរសដែលនាំ Liverpool ឈ្នះ ជើងទីមួយ ៥-២ នៅ Anfield បាននិយាយថា៖ "Liverpool សក្ដិសមឈានដល់វគ្គនេះ។ ក្រោយការវាយបក២គ្រាប់ជើងទីមួយ អ្នកគាំទ្រមួយចំនួនទទួលអារម្មណ៍ដូចពួកយើងចាញ់បាត់ទៅហើយ។ អ្នកខ្លះទៀតនិយាយថា Roma អាចឈ្នះ៣-០ ប៉ុន្តែពួកគេភ្លេចគិតថា Liverpool ក៏លេងបាល់ដែរ ពួកយើងមិនបានរង់ចាំក្នុងបន្ទប់ប្ដូរខោអាវនោះទេ"៕
