(ភ្នំពេញ)៖ ពិតជាមានគ្រោះថ្នាក់ខ្លាំងណាស់ អ្នកបើករថយន្ដ១គ្រឿង ម៉ាក Camary ឆ្លាម បានបើកឆ្លងកាត់លើផ្លូវរថភ្លើង ទាំងប្រថុយប្រថានជាទីបំផុត ខណៈដែលរថភ្លើងកំពុងតែធ្វើដំណើរ ឈានជិតមកដល់ ឆ្លងលើកំណាត់ផ្លូវជាតិលេខ៣។
វីដេអូប្រមាណ៣៣វិនាទី ដែលបង្ហាញពីសកម្មភាពបើកឆ្លងកាត់ផ្លូវរថភ្លើងទាំងប្រថុយ ដោយមិនខ្លាចគ្រោះថា្នក់នេះ ត្រូវបានចែកចាយពាសពេញបណ្ដាញសង្គម Facebook និងរងការរិះគន់ជាច្រើនផងដែរ ចំពោះការបើកបរមិនខ្លាចស្លាប់។
ជាមួយគ្នា ដើម្បីការពារអាយុជីវិតក្នុងពេលធ្វើដំណើរ សូមបងប្អូនប្រជាពលរដ្ឋមេត្ដាកុំយកគំរូតាមអ្នកបើកបរខាងលើនេះ និងសូមប្រុងប្រយ័ត្នឲ្យបានខ្ពស់ ចំពោះការធ្វើដំណើរ ជាពិសេសមន្ដ្រីជំនាញខាងផ្លូវដែក ត្រូវតែផ្ដល់ព័ត៌មាន ទៅដល់ប្រជាពលរដ្ឋអំពីការឆ្លងកាត់របស់រថភ្លើង៕
ខាងក្រោមនេះ ជាវិដេអូដែលរថយន្ដ១គ្រឿង បានបើកឆ្លងកាត់ផ្លូវរថភ្លើង ខណៈដែលរថភ្លើងរត់ជិតមកដល់៖
ប្រភព៖ Fresh News
