ក្រោយបង្ហាញខ្លួនលើទីផ្សារអន្តរជាតិ ទីបំផុត Huawei P20 បានបើកឲ្យកុម្ម៉ង់ទិញជាផ្លូវការហើយ ជាមួយតម្លៃពិសេស និងមានថែមជូនជាច្រើនចាប់ពីថ្ងៃនេះ រហូតដល់ថ្ងៃ ០៤ ឧសភា ២០១៨។
លោក អែម យុទ្ធូ ប្រធានផ្នែកទីផ្សារជាន់ខ្ពស់ របស់ Huawei នៅកម្ពុជា បានឲ្យដឹងថា អតិថិជនអាចកក់ P20 ក្នុងតម្លៃត្រឹមតែ ៦៨៩ដុល្លារសហរដ្ឋអាមេរិកប៉ុណ្ណោះ ដោយមានរង្វាន់ថែមជូនដូចជា កាស Wireless Huawei FreeBuds ជញ្ជីងសុខភាព Huawei Smart Scale ស៊ីម Smart កញ្ចប់ធំហ្មង ២៤សប្តាហ៍ សរុបជាសាច់ប្រាក់ ២៨៩ដុល្លារ។
- Huawei P20 រចនាឡើងយ៉ាងផ្ចិតផ្ចង់ តួធ្វើពីកញ្ចក់ និងលោហធាតុដ៏រលើបរលោង ប្រើប្រាស់ជាមួយប្រព័ន្ធ IP53សម្រាប់ការពារធូលី និងទឹក។
- វាបានប្រើប្រាស់នូវ IR Blaster លើ Board មានរន្ធដោតកាសស្តាប់ ៣.៥ mm
- Headphone Jack បំពាក់ដោយអេក្រង់ទំហំ ៥.៨ អ៊ីញ RGBW Display ជាមួយកម្រិតភាពច្បាស់ ២២៤៤x១០៨០ ភិចសែល។
- មុខងារ AI ដែលដំណើរការដោយបន្ទះឈីប Kirin ៩៧០
- ម៉េមូរីក្នុងម៉ាស៊ីនទំហំ ១២៨GB ជាមួយ microSD Card មានរ៉េមទំហំ ៤GB។
- កាមេរ៉ាមុខទំហំ ២៤MP ថត Selfie បានស្អាតល្អ។
- ថាមពលថ្មវិញ គឺមានទំហំ ៣៤០០mAh៕
