Huawei ​បង្ខំ​ចិត្ត​បោះបង់​ប្រព័ន្ធ Android ក្រោយ​អាមេរិក​តាម​រំអុក​ឥត​ឈប់ឈរ - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

Huawei ​បង្ខំ​ចិត្ត​បោះបង់​ប្រព័ន្ធ Android ក្រោយ​អាមេរិក​តាម​រំអុក​ឥត​ឈប់ឈរ

30/04/2018
ថ្វី​បើ​ប្រព័ន្ធ Android ឈរ​ឈ្មោះ​លំដាប់​កំពូល​មាន​អ្នក​ប្រើប្រាស់​ច្រើន​បំផុត​ក្នុង​លោក​ក្តី ប៉ុន្តែ​មាន​ក្រុមហ៊ុន​យក្ស​ជា​ច្រើនត្រូវ​រាថយ ងាក​មក​បង្កើត OS ថ្មី​ដោយ​ខ្លួន​ឯង។ កន្លង​ទៅ SAMSUNG បាន​ព្យាយាម​អភិវឌ្ឍ​ប្រព័ន្ធ​ប្រតិបត្តិការ Tizen ដាក់​ឲ្យ​ប្រើប្រាស់​លើ​ត្រកូល​ស្មាតហ្វូន​មួយ​ចំនួន​។
ឥឡូវ​ដល់​វេន Huawei ម្តង ផ្អែក​តាម​របាយការណ៍​ពី South China Morning Post ថា​ ក្រុមហ៊ុន​យក្ស​ប្រទេស​ចិន​នេះ នឹង​បោះបង់​ចោល​ប្រព័ន្ធ Android ក្នុង​ពេល​ខាង​មុខ។
ដើមចម​នៃ​បញ្ហា​ ដោយ​សារ ​សង្រ្គាម​ពាណិជ្ជកម្ម​រវាង​សហរដ្ឋអាមេរិក​និង​ចិន កន្លងទៅ​ធ្លាប់​បញ្ជា​ឲ្យ​ក្រុមហ៊ុន​ចិន ZTE ដែល​ទទួល​ការ​ផ្គត់ផ្គង់ Android OS ពី​ក្រុមហ៊ុន​អាមេរិក Google ត្រូវ​ធ្វើ​ការ​បញ្ឈប់​ជា​បន្ទាន់។ សម្រាប់ Huawei ទោះ​មិន​ផ្តោត​ខ្លាំង​លើ​ភាព​តានតឹង​រវាង​ប្រទេស​ទាំង​ពីរ ក៏​តែងតែ​បង្កើត​នូវ​បច្ចេកវិទ្យា​ដោយ​ខ្លួន​ឯង ដូច​ជា​បន្ទះ​ឈីប Hisilicon ដែល​មាន​ប្រើ​សឹង​លើ​ស្មាតហ្វូន Huawei គ្រប់​ម៉ូឌែល។
យោង​តាម​ប្រភព​ គម្រោង​បង្កើត​ប្រព័ន្ធ​ប្រតិបត្តិការ​ថ្មី នឹង​ស្ថិត​ក្រោម​ការ​អភិវឌ្ឍ​ដោយ​ស្ថាបនិក Huawei លោក Ren Zhengfei គ្រាន់​ទំនង​មិន​ទទួល​បាន​ភាព​ល្បីល្បាញ​ខ្លាំង​ដូច Android ដរាប​ណា​គ្មាន​ការ​គាំទ្រ​ពី​ភាគី​ទី​បី​នៅ​ខាង​ក្រៅ។ ប៉ុន្តែ​ក៏​បន្ត​ដាក់​ឲ្យ​ប្រើប្រាស់​នូវ​កម្មវិធី​និង​សេវាកម្ម​របស់ Google មួយ​ផ្នែក​ធំ​ដដែល ទោះ​បី​ស្មាតហ្វូន​នោះ​ដំណើរការ​លើ OS ផ្ទាល់​ខ្លួន​ក៏​ដោយ។




ប្រភព៖ DigitalTrends