អត្ថបទ និងព័ត៌មានថ្មីៗ

មិនទាន់ប្រកាសផង បែកធ្លាយរូបភាព Nokia X ស៊េរីថ្មីមានម៉ូដឆកខាងមុខ!

បញ្ចូលដោយ៖ Laiheang Vobfm - 28/04/2018

រូបរាងរបស់ Nokia X ស៊េរីថ្មី ២០១៨(ចំណែក Nokia X ស៊េរីចាស់ចេញឆ្នាំ ២០១៤)ត្រូវបានបង្ហាញឲ្យឃើញយ៉ាងច្បាស់តាមរយៈបណ្ដាញសង្គមចិនឈ្មោះ Baidu ដោយមានរូបរាងខាងមុខឆកបន្តិច។

តាមប្រភពព័ត៌មានបានឲ្យដឹងថា Nokia ត្រៀមនឹងបញ្ចេញ Nokia X6 នៅប្រទេសចិន(ឯអឺរ៉ុបហៅ Nokia X) ប៉ុន្តែចំពោះរូបរាង និងកម្លាំងម៉ាស៊ីនត្រូវបានបែកធ្លាយមុនការប្រកាសទៅទៀត។

ចំពោះលក្ខណៈសម្បត្តិុដែលបែកធ្លាយរួមមាន៖
ស៊េរី Nokia ដែលមានលេខកូដ TA-1099
បំពាក់មកជាមួយអេក្រង់ទំហំ ៥.៨ អ៊ីញ
ប្រើបន្ទះឈីប ២ ប្រភេទខុសគ្នា(Snapdragon 636 និងឈីប MediaTek P60)
មាន RAM ២គឺទំហំ 4GB ឬ 6GB
កាមេរ៉ាភ្លោះខាងក្រោយ(មិនបញ្ជាក់ទំហំ) ដែលសហការជាមួយក្រុមហ៊ុនប្រទេសអាឡឺម៉ង់ផលិតកែវឡេន Carl Zeiss
មានកន្លែងស្កេនក្រយៅដៃមួយនិងភ្លើង Flash LED មួយគ្រាប់
ដោយឡែកថ្ងៃប្រកាសទូទាំងពិភពលោកខ្ទង់ថ្ងៃទី ១៦ ខែឧសភា
តម្លៃមិនទាន់បញ្ជាក់នៅឡើយទេ៕