Nokia 95
តាមប្រភពព័ត៌មានពី Nokia បានបង្ហើបឲ្យដឹងថា៖ "កាលពីថ្ងៃទី ២៧ ខែមេសា ឆ្នាំ ២០០៥ Nokia ត្រកូល N-Series បានបង្ហាញមុខឲ្យពិភពបច្ចេកវិទ្យាភ្ញាក់ផ្អើលនៅទីក្រុង Sanlitun ប្រទេសចិន។ ចំណែក ១៣ ឆ្នាំក្រោយនៅ ទីក្រុង Sanlitun ដូចគ្នា Nokia ក៏នឹងមានរបស់ថ្មីមកបង្ហាញដល់ពិភពលោកដូចគ្នា ដូចនេះមានតែរង់ចាំមើលទាំងអស់គ្នានៅថ្ងៃទី ៥ ខែឧសភា ខាងមុខនេះ ”នេះជាសារបញ្ជាក់យ៉ាងច្បាស់ថា កំពូលទូរសព្ទដែលពេញនិយមកាលពីជាង ១៣ ឆ្នាំមុនត្រកូល N-Series របស់ Nokia អាចនឹងមានវត្តមានជាថ្មីលើទីផ្សារឡើងវិញ។
Nokia N8
ចំពោះត្រកូលទូរសព្ទស៊េរី N ដែលចេញតាំងពីឆ្នាំ ២០០៥ មានដូចជា N70, N90, N91, N71, N80, N92, N72, N73, N93, N75, N95, N76, N77 ជាដើម ត្រូវបានអ្នកជំនាញសន្និដ្ឋានថាឆ្នាំ ២០១៨ អាចនឹងត្រូវបង្ហាញខ្លួនលើទីផ្សារជាថ្មី ដែលដើរដោយ Android ហើយបំពាក់មកជាមួយ RAM និង Micro-Processor(Chip) ធំជាងមុន នឹងមានមុខងារជាច្រើនទៀតផង។ តែយ៉ាងណាក្ដី Nokia នៅមិនទាន់បង្ហើបថា នឹងបញ្ចេញម៉ូឌែលមួយណានៅថ្ងៃទី ៥ ខែឧសភាខាងមុខនោះទេ៕ប្រភព៖ Gizchina
