ខេត្តព្រះសីហនុ៖ ថ្ងៃទី៥ ខែមេសា ឆ្នាំ២០១៨ វេលាម៉ោង ១១:១៤នាទី លើផ្លូវសម្ដេចសង្ឃទេពវង្ស ចន្លោះគីឡូម៉ែត្រ ៤-៥ ស្ពានលេខ៦ស្ថិតក្នុងភូមិអូរត្រជាក់ចិត្ត ឃុំសំរ៉ុង ស្រុកព្រៃនប់ ខេត្តព្រះសីហនុ
មានគ្រោះថ្នាក់ចរាចរមួយកើតឡើង បង្កដោយខ្លួនឯង រថយន្ត១គ្រឿងម៉ាក HYUNDAI ពណ៌ លឿង ពាក់ផ្លាកលេខភ្នំពេញ3B-6096 សណ្តោងរឺម៉កដឹកស៊ីទែនស៊ីម៉ងត៍ អ្នកបើកបរ មិនស្គាល់អត្តសញ្ញាណ មានទិសដៅពីស្ទឹងហាវ ឆ្ពោះមក ស្រុកព្រៃនប់ លុះដល់ចំណុចខាងលើក៏បានរ៉េចង្កូតមកខាងឆ្វេងដៃបុកនឹងបង្កាន់ដៃស្ពានបាក់អស់៥ចន្លោះ រួចហើយក្រឡាប់ធ្លាក់ផ្លូវតែម្ដង។
គ្រោះថ្នាក់នេះពុំបណ្ដាលឲ្យមានអ្នករងរបួសទេ។អ្នកបើករថយន្ត គេចខ្លួនបាត់។