ប្រភពបន្តថា តាមការសាកសួរសាច់ញាតិ និងកូនចៅ គឺជនរងគ្រោះមានជំងឺឬសដូងបាត ច្រើនឆ្នាំមកហើយ បើទោះជាកូនចៅនាំទៅព្យាបាលយ៉ាងណាក៏មិនជាសះស្បើយដែរ។ មុនពេលកើតហេតុក្រុមគ្រួសារកូនចៅតែងសង្កេតឃើញថា ប៉ុន្មានថ្ងៃចុងក្រោយនេះ ឪពុករបស់ខ្លួនចេះតែពោលថា គាត់មិនចង់រស់នៅយូទេ កុំឲ្យពិបាកកូនចៅអស់លុយកាក់ច្រើន ហើយចេះតែទៅអង្គុយក្រោមដើមស្តៅមួយកន្លែងក្រោយផ្ទះ។ រហូតដល់ថ្ងៃកើតហេតុវេលាម៉ោង១៧ និង៥០នាទីស្រាប់តែបាត់ឪពុកពេលនោះកូនៗបាននាំគ្នាដើររកគ្រប់ច្រកល្ហកតែរកមិនឃើញ ក៏បាននាំគ្នាទៅមើលនៅដើមស្តៅក៏ប្រទះឃើញឪពុកចងកស្លាប់បាត់ទៅហើយ។ បន្ទាប់ពីមានការភ្ញាក់ផ្អើល ក្រុមគ្រួសារក៏រាយការណ៍ទៅសមត្ថកិច្ចដើម្បីមកពិនិត្យកន្លែងកើតហេតុ។
មន្ត្រីនគរបាលមួយរូបបានបញ្ជាក់ប្រាប់ថា ជនរងគ្រោះបានចងកនឹងខ្សែអង្រឹងសំប៉ែត ពណ៌ខៀវ ជាប់មែកដើមស្តៅ កម្ពស់៣ម៉ែត្រ ក្រោយផ្ទះចម្ងាយ៧០ម៉ែត្រ។ សមត្ថកិច្ចសន្និដ្ឋានថា ជនរងគ្រោះអាចតូចចិត្តដោយសារខ្លួនកើតជំងឺឬសដូងមើលមិនជាសះស្បើយទើបសម្រេចចិត្តធ្វើអត្តឃាតបែបនេះ។ នគរបាលជំបាញបានប្រាប់ផងដែរថា ក្រោយពីពិនិត្យ សពមិនមានស្លាកស្នាមអ្វីផ្សេងទៀតទេ ជំនាញបានរៀបចំឯកសារប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី។
