ខេត្តព្រះសីហនុ ៖ នៅព្រលប់ ថ្ងៃទី ៣ ខែមេសា ឆ្នាំ២០១៨ វេលាម៉ោង ១៩:២០នាទី មានគ្រោះថ្នាក់ចរាចរណ៍មួយកើតឡើង នៅលើផ្លូវឯករាជ្យ រង្វង់មូល មុខសាលាអនុវិទ្យាល័យសម្តេចឪ ក្រុងព្រះសីហនុ ម៉ូតូHONDA CLICK ពណ៌ ស-ក្រហមមួយគ្រឿង គ្មានផ្លាកលេខ ជិះគ្នាចំនួន២នាក់ ដែលមានទិសដៅពី លិច ឆ្ពោះទៅ កើត បានបុកពីខាងក្រោយរថយន្ត១គ្រឿង មិនស្គាល់ម៉ាក មានទិសដៅស្របគ្នា ។
គ្រោះថ្នាក់នេះបណ្ដាលឲ្យរងរបួសមនុស្សចំនួន២នាក់ អ្នកបើកបរ និង អ្នករួមដំណើរលើម៉ូតូ បានបញ្ជូនទៅសង្គ្រោះនៅគ្លីនិកសេតេ។រីឯរថយន្ត បានបើករត់គេចបាត់។
លោកអ្នកបេីកបរ បន្ថយល្បឿនខ្លះទៅ ហើយពាក់មួកសុវត្ថិភាពផង។ បុកឡានពីក្រោយខ្ទេចម៉ូតូយ៉ាងនេះ ល្បឿនលេីសមិនធម្មតាឡើយ ។
