ត្បូងឃ្មុំ ក្រោយពីបិទមួយរយៈដោយសារការបំផ្ទុះយកថ្ម ផ្លោងខ្ទាតត្រូវក្បាលពលរដ្ឋម្នាក់ បណ្តាលឲ្យស្លាប់នោះ ។ តែរាល់ថ្ងៃនេះបានដំណើរការឡើងវិញហើយ ដោយរណ្តៅជីកយកថ្មមានចម្ងាយប្រមាណជាង២០០ម៉ែត្រប៉ុណ្ណោះ ពីភូមិឋាន តែនូវបង្កឲ្យមានការភ័យខ្លាចដដែល ។
ប្រជាពលរដ្ឋនៅភូមិឃុំខាងលើប្រាប់ឲ្យដឹងនៅព្រឹកថ្ងៃទី០២ ខែមេសា ២០១៨ថា ការដ្ឋានកិនថ្មខាងលើនោះបានផ្អាកប្រហែលជាកន្លះខែ ក្រោយពីបានបំផ្ទុះយកថ្ម ហើយបានធ្វើឲ្យបំណថ្មបានផ្លោងខ្ទាត
មកត្រូវក្បាលរបស់ស្ត្រីម្នាក់ នៅភូមិស្រែសៀមស្លាប់ភ្លាមៗ ហើយក្រោយមកក៏បានដំណើរការជាធម្ម
តាវិញ សម្លេងផ្ទុះយកថ្មមិនបានថមថយនោះទេ គឺនូវតែមានសម្លេងខ្លាំងឡើងញ៉រញ្ជួយផ្ទះ ។
ប្រជាពលរដ្ឋបានប្រាប់បន្តថា នៅវេលាម៉ោង១១ព្រឹករាល់ថ្ងៃត្រង់ រណ្តៅយកថ្មដែលស្ថិតនៅចម្ងាយប្រ
មាណជាង២០០ម៉ែត្រ មានស៊ីរ៉ែនបានរោទ៍ឡើង ដើម្បីជាសញ្ញាឲ្យពលរដ្ឋនៅក្នុងភូមិមានការប្រុងប្រ
យ័ត្ន ។ ឲ្យតែឮបែបនេះពួកគាត់បានបិទទ្វារផ្ទះនាំកូនៗ ប្រញាប់រត់ចេញមកថ្នល់ជាតិលេខ៧ឲ្យឆ្ងាយពីកន្លែងផ្ទុះ ព្រោះខ្លាចមានដុំថ្មផ្លោងមកខ្ទាតត្រូវក្បាល បង្កឲ្យគ្រោះថ្នាក់ដូចអ្នកមុន ។
រាល់ពេលដែលមានសំឡេងបានផ្ទុះឡើងបានធ្វើឲ្យជញ្ជាំងផ្ទះរបស់គាត់ឡើងហើប ។ កន្លងមកក៏មានដុំថ្មមួយដុំធំបានផ្លោងធ្លាក់មកក្បែរបន្ទប់ទឹក តែសំណាងមិនបានត្រូវអ្នកណានោះទេ គាត់ក៏ដូចជាពលរដ្ឋផ្សេងទៀតធ្លាប់បានស្នើសុំដល់អាជ្ញាធរ ដើម្បីឲ្យមានវិធានការជាមួយនឹងម្ចាស់ការដ្ឋាននោះ តែមិនបានផលទេ ។ ដោយរណ្តៅបំផ្ទុះយកថ្មកាន់តែរីកធំឡើងៗ និងបានរំកិលបន្តិចម្តងៗ ឆ្ពោះមកផ្ទះរបស់គាត់ផងដែរ ។
អ្នកម៉ៅការរបស់លោកឧកញ៉ាខ្នា ដែលមើលការខុសត្រូវនៅការដ្ឋានកិនថ្មស្រែសៀមប្រាប់ថា ចំពោះការដែលប្រជាពលរដ្ឋលើកឡើងខាងលើនេះ រូបលោកនឹងរាយការណ៍ទៅលោកឧកញ៉ា ដើម្បីឲ្យបានដឹងផងដែរ ។
លោកប៊ុន ធឿន ប្រធានមន្ទីររ៉ែ និងថាមពលខេត្តត្បូងឃ្មុំ ប្រាប់ឲ្យដឹងដែរថា ការដ្ឋានរបស់ឧកញ៉ាខ្នាខាងលើ ក្រោយពីមានបំផ្ទុះយកថ្ម បណ្តាលឲ្យពលរដ្ឋម្នាក់ស្លាប់រួចមក ក៏ត្រូវបានក្រសួងរ៉ែ និថាមពល
ឲ្យផ្អាកមួយរយៈ ។ បន្ទាប់មកមន្ត្រីរបស់ក្រសួងបានចុះមកពិនិត្យ និងបានផ្តល់អាជ្ញាបណ្ណឲ្យដំណើរការឡើងវិញ នៅចុងខែកុម្ភៈ ឆ្នាំ២០១៨ ហើយមុនពេលបំផ្ទុះត្រូវស៊ីរ៉ែនឲ្យពលរដ្ឋដឹងជាមុន ក្នុងរយៈពេល២៥ទៅ៤០នាទី ដើម្បីឲ្យពួកគាត់មានការប្រុងប្រយ័ត្ន ។
ប្តីរបស់ស្ត្រីដែលស្លាប់កន្លងមកក្រុមហ៊ុនក៏បានផ្តល់ការងារឲ្យធ្វើនៅការដ្ឋានកិនថ្ម ឲ្យតែទៅធ្វើការហើយប្រាក់បៀរ វត្សរ៍ទទួលបានលើសពីកម្មករផ្សេងៗទៀតផងដែរ ជាការទិញទឹកចិត្ត ។ កន្លែងដែលផ្ទុះពលរដ្ឋថា នៅជាង២០០ម៉ែត្រ ដល់ផ្ទះរបស់គាត់នោះ អាចជាចំណុចដែលគេបំផ្ទុះយកថ្មតែម្តង ។
