ជនជាប់ចោទ ជួប សម្លាប់ នឹង​ត្រូវ​ជំនុំជម្រះ​ម្តងទៀត​នៅ​ថ្ងៃ​ទី​០៣ ខែមេសា ស្អែក​នេះ! ! ! - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

ជនជាប់ចោទ ជួប សម្លាប់ នឹង​ត្រូវ​ជំនុំជម្រះ​ម្តងទៀត​នៅ​ថ្ងៃ​ទី​០៣ ខែមេសា ស្អែក​នេះ! ! !

02/04/2018
រាជធានី​ភ្នំពេញ៖ បើ​គ្មាន​ការ​ប្រែប្រួល​នោះ​ទេ សាលាឧទ្ធរណ៍​នឹង​បើក​សវនាការ​លើ​បណ្តឹង​ប្តឹង​ឧទ្ធរណ៍​របស់​ជនជាប់ចោទ ជួប សម្លាប់ ដែល​សាលាដំបូង​រាជធានី​ភ្នំពេញ​បាន​ផ្តន្ទាទោស​ដាក់​ពន្ធនាគារ​អស់​មួយ​ជីវិត លើ​ករណី​បាញ់​សម្លាប់​លោក​បណ្ឌិត កែម ឡី អ្នកវិភាគ​សង្គម និង​នយោបាយ ។

គួរ​បញ្ជាក់​ថា កាលពី​ថ្ងៃ​ទី​២៣ ខែមីនា ឆ្នាំ​២០១៧​លោក លាង សំណាត់ អនុប្រធាន​សាលាដំបូង​រាជធានី​ភ្នំពេញ បាន​សម្រេច​ប្រកាស​សាលក្រម​ផ្តន្ទាទោស​ជនជាប់ចោទ អឿ​ត អាង ហៅ ជួប សម្លាប់ ​ដាក់​ពន្ធនាគារ​អស់​មួយ​ជីវិត​ ក្រោម​ការ​ចោទប្រកាន់​ពី​បទ ​ឃាតកម្ម​គិត​ទុកជា​មុន និង​ការ​កាន់កាប់​អាវុធ​ខុសច្បាប់​ ។ នៅ​ពេល​សវនាការ​កាលពី​ថ្ងៃ​ទី​១ ខែ​មិ​នា ឆ្នាំ​២០១៧ ​ជួប សម្លាប់​ បាន​សារភាព​ថា ខ្លួន​ជា​អ្នក​បាញ់​សម្លាប់ លោក បណ្ឌិត កែម ឡី ដោយសារ​ខឹង​លោក កែម ឡី ជំពាក់​ប្រាក់​មិន​សង ហើយ​អះអាង​ថា គ្មាន​អ្នក​នៅ​ពីក្រោយ​ខ្នង​នៃ​ឃាតកម្ម​នេះ​ទេ ។

យ៉ាងណាមិញ​ភរិយា​លោក កែម ឡី និង​មនុស្ស​មួយ​ចំនួន​នៅ​តែ​យល់​ថា ការ​បាញ់​សម្លាប់​លោក កែម ឡី គឺជា​រឿង​នយោបាយ ខណៈ​ប្រមុខ​ដឹកនាំ​រាជរដ្ឋាភិបាល​បាន​អះអាង​ម្តង​ហើយ​ម្តងទៀត​ថា ការ​ស្លាប់​របស់​លោក កែម ឡី មិន​ពាក់ព័ន្ធ​នឹង​គណបក្ស​ប្រជាជន​កម្ពុជា និង​រាជរដ្ឋាភិបាល​នោះ​ទេ ព្រោះ​ការ​ស្លាប់​របស់​លោក កែម ឡី គឺ​បាន​ធ្វើ​ឲ្យ​គណបក្សកាន់អំណាច​ជា​អ្នក​ខាតបង់​ធ្ងន់ធ្ងរ ។

ជនជាប់ចោទ អឿ​ត អាង ហៅ ជួប សម្លាប់ អាយុ​៣៨​ឆ្នាំ ត្រូវ​បាន​សមត្ថកិច្ច​ឃាត់ខ្លួន​ភ្លាម​ៗ ក្រោយ​ពី​បាញ់​សម្លាប់ លោក បណ្ឌិត កែម ឡី កាលពី​វេលា​ម៉ោង​៨​និង​៥០​នាទី​ព្រឹក ថ្ងៃ​ទី​១០ ខែកក្កដា ឆ្នាំ​២០១៦ នៅ​ចំណុច​ក្នុង​ទីតាំង​ស្តារ​ម៉ា​តនៃ​ស្ថានីយប្រេងឥន្ធនៈ​កាល់​តិច​បូកគោ ស្ថិត​នៅ​កាច់ជ្រុង​មហាវិថី​ព្រះ​មុនី​វង្ស និង​មហាវិថី ម៉ៅ​សេ​ទុង ក្នុង​សង្កាត់ ទន្លេបាសាក់ ខណ្ឌចំការមន ។