ម៉ូតូរងគ្រោះម៉ាកហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ផ្លាកលេខ បាត់ដំបង ១S-៣៣៧២ បើកបរក្នុងទិសដៅពីត្បូងទៅជើងដោយជិះម្នាក់ឯង ។ ជនរងគ្រោះឈ្មោះ រន រ័ត្ន ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅភូមិព្រៃព្រីងខាងត្បូង២ សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើតនៅភូមិគរ ឃុំព្រៃស្វាយ ស្រុកមោងឫស្សី ខេត្តបាត់ដំបង មានប្រពន្ធឈ្មោះ អូនម៉ាប់ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឱ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូម៉ាកហុងដាឌ្រីមបើកក្នុងទិសដៅពីត្បូងទៅជើងក្នុងល្បឿនលឿន លុះបើកមកដល់ចំណុចកើតហេតុស្រាប់តែមានរថយន្តមួយគ្រឿងម៉ាកកាមរីឆ្លាម ពណ៌ស មិនចាំផ្លាកលេខ បើកបរក្នុងល្បឿនលឿនដូចគ្នាបានរ៉េចង្កូតទៅផ្នែកឆ្វេងបុកម៉ូតូរងគ្រោះចំពីមុខពេញទំហឹងបណ្តាលឱ្យជនរងគ្រោះដួលរងរបួសធ្ងន់បាក់ជើងទាំងសង្ខាងខ្ទេចនៅដង្ហើមតឹកៗ ចំណែករថយន្តបង្កពេលភ្លាមៗបានបើករត់គេចខ្លួនបាត់ស្រមោល ។
ប្រភពដដែលបានបន្តទៀតថា ពេលភ្លាមៗនោះដែររថយន្តសង្គ្រោះគ្លីនិកឯកជនបានដឹកយកទៅសង្គ្រោះតែឃើញជនរងគ្រោះរងរបួសធ្ងន់បាក់ជើងទាំងសង្ខាងខ្ទេចហើយនៅដង្ហើមតឹកៗ រថយន្តសង្គ្រោះបានដឹកយកទៅសង្គ្រោះភ្លាមៗ ប៉ុន្តែជាអកុសលជនរងគ្រោះត្រូវបានដាច់ខ្យល់ស្លាប់ពេលដឹកបានពាក់កណ្តាលផ្លូវហើយបានដឹកត្រឡប់មកកន្លែងកើតហេតុវិញផងដែរ ។
