ភ្នំពេញ៖ រាល់ថ្ងៃតែម្តង ចប់រឿងមួយ ចូលរឿងមួយទៀត កើតមានឡើងរាល់ថ្ងៃ មិនថាអ្នកតូច អ្នកធំ អ្នកក្រ អ្នកមាននោះទេ សូម្បីតែអ្នកអនុវត្តច្បាប់ ក៏ព្រព្រឹត្តិនូវអំពើ ហិង្សា លើប្រពន្ធកូនដែរ ទោះ បីមានការអប់រំជាបន្តបន្ទាប់យ៉ាងណាក៏ដោយ ។
តួយ៉ាងរឿងខាងក្រោមនេះបានកើតឡើងក្តៅៗ ថ្មីៗ នេះ ដោយស្ត្រីវ័យក្មេងម្នាក់បានសរសេរបង្ហោះ ហ៊្វេសប៊ុកដោយបង្ហាញពីរូបភាពរងទារុណកម្មពីសំណាកប្តីជាមន្ត្រីនគរធំម្នាក់ ជានាយរងការរិយាល័យព្រហ្មទណ្ឌកំម្រិតស្រាលនៃស្នងការដ្ឋាននគរបាលខេត្តប៉ៃលិន ។ ជាមួយគ្នានេះនាងក៏បានអំពាវនាវទៅដល់លោកនេត្រ សាវឿន អគ្គស្នងការនគរបាលជាតិសូមជួយអន្តរាគមន៍រកយុត្តិធម៌ដល់រូបនាងផងដែរ។
ខាងក្រោមនេះគឺជាសំនេរដែលនាងជាប្រពន្ធបានសរសេរបង្ហោះតាមហ៊្វេសប៊ុក អាខោន ឈ្មោះ” Nun nou” ។
នាងខ្ញុំ ឈ្មោះ គុំ ស៊ុននូ ជាប្រពន្ធមានមានអេតាសុីវិលស្របច្បាប់ជាមួយឈ្មោះ កន សារុន ជានាយរងការិយាល័យព្រហ្មទ័ណស្រាលនៃស្នងកាដ្ឋាននគរបាលខេត្តប៉ៃលិន
សូមគោរពចូលមក
ឯកឧត្តមនាយឧត្តមសេនីយ៍ នេត្រ សាវឿន អគ្គស្នងការនគរបាល ជាតិជាទីគោរព !
កម្មវត្ថុ: សុំមេត្តាជួយរកយុត្តិធម៌ដោយអំពើហឹង្សាយ៉ាងធ្ងន់ធ្ងរដោយវាយ ដាល់ ធាក់ លើរូបនាងខ្ញុំ។
កម្មវត្ថុខាងលើ: កាលពីយប់ថ្ងៃទី១.៤.២០១៨នៅវេលាម៉ោង១០នាទីយប់ ឈ្មោះ កនសារុន ដែលជាប្តីខ្ញុំមានថារ:សកិ្កជាអ្នកយល់ច្បាប់បានដាល់នឹងទាស់កំភ្លៀងទាត់ធាក់នៅក្បែផ្លូវមួយរហូតខ្ញុំផ្ងាក្រោយរួចគាត់គេចខ្លួនបាត់ទៅធ្វើអោយខ្ញុំវង្វេងវង្វាន់ដល់ឥឡូវ នឹងដាល់ខ្ញុំចំគុំត្រចៀកខាងស្តាំង
នេះរឺអ្នកយល់ច្បាប់ អ្នកធ្វើការច្បាប់មកប្រើហឹង្សាលើប្រពន្ធកូន
អាស្រ័យហេតុនេះសូមលោកនាយមេត្តាជួយវិធានការរកយុត្តិធម៌អោយនាងខ្ញុំផង នាងខ្ញុំមានស្លាកស្នាមដោយអំពើហឹង្សាជាភស្តុតាង សូមមេត្តាចាត់ចុះមកជួយជាបន្ទាន់ផង។
សេចក្តីគួរពុំគួមេត្តាអធ្យាស្រ័យ
#ជួយshareតៗគ្នាផងអំពើដ៍ព្រៃផ្សៃលើប្រពន្ធកូនព្រោះតែមានស្រីញីក្រៅផ្ទះ
* សូមអោយច្បាប់ជួយរកយុត្តិធម៌អោយនាងខ្ញុំផង សូមអគុណ ។
សូមបញ្ជាក់ផងដែរថា៖ ស្ត្រីម្នាក់ ប៉ោងមុខ ជាំភ្នែក ដោយស្នាដៃប្តីវាយដំយ៉ាងព្រៃផ្សៃនៅយប់ថ្ងៃទី ១ ខែ មេសា ឆ្នាំ ២០១៨ ម្សិលមិញនេះ បន្ទាប់ពីបានទទួលដំណឹងអំពីករណី ហឹង្សាបង្ករឡើងដោយបុរសជាប្ដីឈ្មោះ សរ ចន្នីរឹទ្ធ អាយុ ៣២ ឆ្នាំ ស្នាក់នៅផ្ទះលេខ ៦៣ ដេ ផ្លូវ ៥៣ បេតេ ភូមិ ក្បាលទំនប់ សង្កាត់ បឹងទំពុន ខណ្ឌ មានជ័យ ទៅលើប្រពន្ធបណ្ដាលអោយរបួសផ្ទៃមុខ និង ភ្នែក ធ្ងន់ធ្ងរ នោះរួចមក នាយឧត្ដមសេនីយ៍ ជួន សុវណ្ណ អគ្គស្នងការរង និង ជាស្នងការនគរបាលរាជធានី បានបញ្ជា អោយសមត្ថកិច្ចនគរបាលព្រហ្មទណ្ឌ នៃ ស្នងការដ្ឋាននគរបាលរាជធានីភ្នំពេញ ចុះស្រាវជ្រាវជាបន្ទាប់ដើម្បីចាប់ឃាត់ខ្លួនជនល្មើសមកទទួលខុសត្រូវចំពោះមុខច្បាប់។