ទីបំផុត Spurs រកឃើញជ័យជម្នះដំបូងក្នុងផ្ទះ Chelsea រយៈពេល២៨ឆ្នាំចុងក្រោយ បន្ទាប់ពីពួកគេបានប្រកួតយកឈ្នះក្នុងលទ្ធផល ៣-១ កាលពីយប់មិញ។
ក្នុងកីឡដ្ឋាន Stamford Bridge ម្ចាស់ផ្ទះ Chelsea ជាអ្នកបំបែកពងមាន់បានមុន ដោយ Alvaro Marata ក្នុងវគ្គទីមួយ។ ចូលវគ្គទី២ មិនទាន់បាន១នាទីផង Christian Eriksen ក៏រកគ្រាប់តាមស្មើឲ្យ Spurs វិញ។ ជាការបង្ហាញសមត្ថភាពគួរឲ្យចាប់អារម្មណ៍ Dele Alli បានទាត់បញ្ជូលទីដល់ទៅ២គ្រាប់ត្រឹម៤នាទី ពោលនាទី៦២និង៦៦។
៣-១ គ្រប់គ្រាន់សម្រាប់ Spurs បាន៣ពិន្ទុ បន្ថែមឈរលេខ៤ចាញ់ក្រុមលេខបី Liverpool ២ពិន្ទុ តែសល់មួយប្រកួតក្នុងដៃ ខណៈ Chelsea នៅលេខ៥។ ២៧ប្រកួតចុងក្រោយលេងនៅដី Chelsea ក្លឹប Spurs មិនដែលឈ្នះឡើយគឺ ស្មើ៩ ចាញ់១៨ តែនៅប្រកួតទី២៨ទើបពួកគេរកបានជោគជ័យលើកដំបូង។
