ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ស្ត្រីចំណាស់ម្នាក់បានបាក់.កស្លាប់ភ្លាមៗ ក្រោយពីត្រូវប្តីធាក់ទម្លាក់ពីលើគ្រែនិងទាត់មួយជើង កើតឡើងកាលពីវេលាម៉ោង០៦ និង៤០នាទីយប់ថ្ងៃទី២៨ មីនា ស្ថិតត្រង់ចំណុចក្រុមទី៧ ក្នុងភូមិគួយជីកដី ឃុំរបស់មង្គល ស្រុកមោងប្ញស្សី ខេត្តបាត់ដំបង ។
សេចក្តីរាយការណ៍បន្តថា ស្ត្រីដែលស្លាប់ខាងលើ មានឈ្មោះឆាត ឆោម អាយុ៥២ឆ្នាំ រីឯប្តីដៃដល់ឈ្មោះ
ម៉ែន ពិសី អាយុ៥៣ឆ្នាំ ទាំង២នាក់រស់ក្នុងភូមិ-ឃុំកើតហេតុ ។
ប្រភពឱ្យដឹងទៀតថា មុនពេលកើតហេតុ បុរសជាប្តីបានផឹកស្រាស្រវឹងយ៉ាងខ្លាំង ។ លុះមកដល់ផ្ទះក៏ឈ្លោះប្រកែកជាមួយស្ត្រីជាប្រពន្ធរឿងដែលមិនដាំបាយឱ្យហូប ។
ជម្លោះកាន់តែខ្លាំងៗឡើង រហូតដល់ប្តីទ្រាំលែងកើតបានច្រានស្ត្រីប្រពន្ធទម្លាក់ពីលើគ្រែ រួចមិនអស់ចិត្តបានទាត់ធាក់មួយជើងចំ.កញ្ចឹង.កទៀត បណ្តាលឱ្យស្ត្រីរងគ្រោះស្លាប់ភ្លាមៗនៅនឹងកន្លែង ។ ក្រោយមក បុរសជាប្តីមិនបានរត់គេចខ្លួននោះទេ ក៏
ត្រូវសមត្ថកិច្ចចុះមកអន្តរាគមន៍ឃាត់នាំទៅសាកសួរ ដើម្បីចាត់ការតាមច្បាប់ ។