អត្ថបទ និងព័ត៌មានថ្មីៗ

Huawei P20 Pro មានកម្រិត ISO ស្មើនឹងកាមេរ៉ាតម្លៃរាប់ពាន់ដុល្លារ

បញ្ចូលដោយ៖ Laiheang Vobfm - 29/03/2018

P20 Pro ដែល Huawei បានប្រកាសចេញតំណាលគ្នាជាមួយ P20 កាលពីយប់ថ្ងៃអង្គារកន្លងទៅ មានបំពាក់កាមេរ៉ាដល់ ៣ គ្រាប់ ដែលមានសមត្ថភាពថតរូបភាពក្នុងកម្រិត ISO ដល់ទៅ ១០២ ៤០០ ឯណោះ។

កម្រិត ISO នេះគឺស្មើនឹងម៉ាស៊ីនកាមេរ៉ាតម្លៃថ្លៃៗដូចជា Canon EOS 5D Mark IV ឬ Sony Alpha a7R III ដែលមានតម្លៃជាង ៣ ពាន់ដុល្លារ និង Nikon D5 ដែលមានតម្លៃជាង ៦ ០០០ ដុល្លារ។ ស្របពេលដែលស្មាតហ្វូនកំពូលដទៃដូចជា iPhone X ឬ Galaxy S9+ មានកម្រិត ISO ត្រឹម ៦ ៤០០ ប៉ុណ្ណោះ។

ISO ដ៏ខ្ពស់នេះ ជួយឲ្យ P20 Pro ចាប់យករូបភាពបានច្បាស់ ទោះស្ថិតនៅក្នុងទីដែលមិនមានពន្លឺគ្រប់គ្រាន់ ដែលភ្នែកមនុស្សសឹងតែមិនអាចមើលឃើញ។ ខាងក្រោមនេះជារូបភាពមួយសន្លឹកថតនៅទីមានពន្លឺតិច ក្នុងកម្រិត ISO ១០២ ៤០០ ថតចេញពី P20 Pro ៖