ព្រះបរមរាជវាំង ប្រកាសថា ព្រះរាជក្រឹត្យតែងតាំង ព្រះទវសត្ថា ពឿយ មេត្តា ជាសម្តេចព្រះមង្គលមុនីវង្សាចារ្យ គឺជាឯកសារក្លែងក្លាយ

(ភ្នំពេញ)៖ ក្នុងលិខិតមួយថ្វាយ សម្តេចសង្ឃមហាមេធាធិបតី នន្ទ ង៉ែត សម្តេចព្រះសង្ឃនាយកកម្ពុជា, សម្តេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្រ្តីព្រះបរមរាជវាំង បានបញ្ជាក់ ព្រះរាជក្រឹត្យមួយដែលតែងតាំង ព្រះទវសត្ថា ពឿយ មេត្តា «ជាសម្តេចព្រះមង្គលមុនីវង្សាចារ្យ» ដែលចុះនៅថ្ងៃទី១៦ ខែកុម្ភៈ ឆ្នាំ២០១៨នោះ គឺជាឯកសារក្លែងក្លាយប៉ុណ្ណោះ។

សម្តេចចៅហ្វាវាំង បានបញ្ជាក់ថា ​ព្រះរាជក្រឹត្យលេខ នស/រកត/០២១៨/១៥៣ ចុះថ្ងៃទី១៦ ខែកុម្ភៈ ឆ្នាំ២០១៨ ដែលពិតប្រាកដ គឺមានខ្លឹមសារត្រាស់បង្គាប់តែងតាំង លោក ជា ម៉េង ជាឧកញ៉ា តាមសំណើរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា។ ដោយឡែក ចំពោះព្រះរាជក្រឹត្យលេខ នស/រកត/០២១៨/១៥៣ ត្រាស់បង្គាប់តែងតាំង ព្រះទវសត្ថា ពឿយ មេត្តា ជាសម្តេចព្រះមង្គលមុនីវង្សាចារ្យ ដែលចុះថ្ងៃទី១៦ ខែកុម្ភៈ ឆ្នាំ២០១៨ ដែលនោះ គឺពុំត្រឹមត្រូវទេ ហើយជាឯកសារក្លែងក្លាយ។

ខាងក្រោមនេះជាលិខិតរបស់សម្តេចចៅហ្វាវាំង គង់ សំអុល៖