ក្នុងពិធីប្រកាសផ្ទេរភារកិច្ចនិងបំពាក់ឋានន្តរសក្តិជូននាយនគរបាលថ្នាក់ឧត្តមសេនីយនៅតាមនាយកដ្ឋាននិងស្នងការនគរបាលតាមខេត្តមួយចំនួននាព្រឹកថ្ងៃទី៦ ខែមករា ឆ្នាំ២០១៧នេះ លោក នេត សាវឿត កន្លងទៅ ប្រធាននាយករដ្ឋានមួយចំនួនបានកាត់ប្រាក់របបពីមន្ត្រីថ្នាក់ក្រោមដូចជា កាត់របបប្រេងសាំង របបប្រាក់បេសកកម្ម និងប្រាក់របបនានាទៀត។ លោកក៏បានព្រមានដល់នគរបាលចរាចរដែលដាក់កុងត្រូលស្ទាក់ផាកពិន័យយកប្រាក់ពីពលរដ្ឋខុសច្បាប់ផងដែរ។ នេះបើតាមគេហទំព័រអគ្គស្នងការដ្ឋាននគរបាលជាតិ។
គេហទំព័រនោះសរសេថា៖ «សម្រាប់មន្ត្រីនគរបាលចរាចរដែលប្រចាំការនៅតាមដងផ្លូវ ចាប់ពីម៉ោងនេះទៅ ឯកឧត្តមនឹងចាត់វិធានការលែងឲ្យមានការអប់រំទៀតទេហើយ ពោល គឺមន្ត្រីនគរបាលចរាចរដែលប្រចាំការនៅដងផ្លូវ ត្រូវប្រើប្រាស់ឥរិយាបថឲ្យបានត្រឹមត្រូវ ត្រូវប្តូរចរឹកកោសរុសទារប្រាក់ឬទទួលប្រាក់សូកពីប្រជាពលរដ្ឋ ហើយត្រូវប្រើសំដីសំដៅឲ្យសមរម្យដាក់ប្រជាពលរដ្ឋ ហើយថាសម្រាប់បញ្ហានេះ បើនគរបាលធ្វើមិនបាន ឯកឧត្តមថាបើរកឃើញភស្តុតាង គឺត្រូវបញ្ជូនទៅតុលាការតែម្តង»។
លោក នេត សាវឿន បន្តថានគរបាលចរាចរជាកម្លាំងដែលទទួលបានប្រាក់ឧបត្ថម្ភខាងក្រៅច្រើនជាងគេ គឺប្រាក់ឧត្ថម្ភប្រចាំខែពីលោក ស ខេង ប្រាក់ផាកពិន័យច្រើនជាងគេ និងប្រាក់ឧបត្ថម្ភនានាបន្ថែមទៀត តែលោកថា បាតុភាពនិងទង្វើមិនល្អរបស់នគរបាលចរាចរមិនថយចុះទេ។
នាយកប្រតិបត្តិអង្គការតម្លាភាពកម្ពុជា លោក ព្រាប កុល គាំទ្រចំពោះចំណាត់ការព្រមាននេះ។ តែលោកថា ដើម្បីឲ្យការទប់ស្កាត់អំពើពុករលួយក្នុងជួរនគរបាលឲ្យមានប្រសិទ្ធភាព ត្រូវមានយន្តការបន្ថែម ទើបចំណាត់ការនោះមានប្រសិទ្ធភាព៖ «យើងត្រូវមានយន្តការត្រួតពិនិត្យ យន្តការទប់ស្កាត់ ដើម្បីធ្វើម៉េចកុំឲ្យគាត់ប្រព្រឹត្តអំពើពុករលួយ ហើយបើសិនជាគាត់ប្រព្រឹត្តត្រូវធ្វើម៉េចដើម្បីដាក់ទោសគាត់។ បើសិនជាគាត់ព្រមានចោលៗ ខ្ញុំថា មិនមានប្រសិទ្ធភាពទេ»។
លោក ព្រាប កុល សិក្សាឃើញទៀតថា ក្នុងរយៈពេលចុងក្រោយនេះ ការប្រព្រឹត្តអំពើពុករលួយទ្រង់ទ្រាយតូចហាក់ថយចុះ តែលោកថាពុករលួយទ្រង់ទ្រាយធំមិនមានការប្រែប្រួលទេ៖ «អំពើពុករលួយចំហទ្រង់ទ្រាយតូចថយចុះគួរឲ្យគត់សម្គាល់ ឧទាហរណ៍ការធ្វើអត្តសញ្ញាណ ពុករលួយប៉ូលីសចរាចរបើប្រៀបធៀបពីរ ឬ បីឆ្នាំមុន មានការថយចុះ ប៉ុន្តែអំពើពុករលួយធំៗមិនមានការថយចុះទេ»។
របាយការណ៍របស់អង្គការសម្លាភាពអន្តរជាតិបង្ហាញថា នៅឆ្នាំ២០១៥ កម្ពុជាជាប់ចំណាត់ថ្នាក់១៥០ ក្នុងចំណោមប្រទេស១៦៨ ដែលជាចំណាត់ថ្នាក់អាក្រក់នៃប្រព្រឹត្តអំពើពុករលួយ។ ប្រធានអង្គភាពប្រឆាំងអំពើពុករលួយលោក ឱម យិនទៀង ធ្លាប់ថ្លែងថាក្រសួងមហាផ្ទៃគឺជាស្ថាប័នដែលមានការប្រព្រឹត្តអំពើពុករលួយខ្លាំងជាង។ ប៉ុន្តែលោក ព្រាប កុល អះអាង ប្រព័ន្ធយុត្តិធម៌តុលាការ ពុករលួយលេខ១ ចំណែកក្រសួងមហាផ្ទៃពុករលួយលំដាប់លេខ។
