ខេត្តបន្ទាយមានជ័យ៖ នៅវេលាម៉ោងប្រហែល៣រសៀលថ្ងៃទី១២ ខែមីនា ឆ្នាំ២០១៨ នៅលិចផ្លូវជាតិលេខ៥ ទល់មុខសាខាពន្ធដាខេត្ត នៅភូមិក្បាលស្បាន សង្កាត់ព្រះពន្លា ក្រងសិរីសោភ័ណ មានជាងធ្វើផ្ទះប្រមាណ៨នាក់ ដូយផ្ទះឈើ២ល្វែង បណ្តាលបាក់សង្កាត់ស្លាប់២នាក់ និងរបួសធ្ងន់ម្នាក់។
លោកអនុសេនីយ៍ឯក ទិន សំបូរ នាយនគរបាលប៉ុស្តិ៍សង្កាត់ព្រះពន្លាប្រាប់ថា ជនរងគ្រោះដែលស្លាប់២នាក់រួមមានទី១.ឈ្មោះ ខ្លូត សារួន ភេទប្រុស អាយុ៥៩ឆ្នាំ (មេជាង)រស់នៅភូមិស្វាយដង្គត់ សង្កាត់កោះពងសត្វ ក្រុងសិរីសោភ័ណ ទី២.ឈ្មោះ ធុច ពិសិដ្ឋ ភេទប្រុស អាយុ៤០ឆ្នាំ (មេជាង)រស់នៅភូមិអង្គាបុស្ស សង្កាត់កោះពងសត្វ ក្រុងសិរីសោភ័ណ និងរបួសធ្ងន់ម្នាក់ ឈ្មោះ ឆាវ បួត ភេទប្រុស អាយុ២៩ឆ្នាំ (កម្មករ)រស់នៅភូមិអង្គាបុស្ស សង្កាត់កោះពងសត្វ ក្រុងសិរីសោភ័ណ។
តាមសម្តីជាងបានប្រាប់ថា នៅពេលគ្រោះថ្នាក់កើតឡើងគឺមានជាងឈើនិងកម្មករប្រមាណជា៨នាក់ បាននាំគ្នាដូយផ្ទះឈើ២ល្វែងខាងលិចផ្លូវជាតិលេខ៥ ស្ថិតចំការស្វាយ ក្នុងភូមិក្បាលស្បាន សង្កាត់ព្រះពន្លាក្រងសិរីសោភ័ណ។ ម្ចាស់ឈ្មោះ ទី ភេទប្រុស (មុខរបរលក់ម៉ូតូ) ផ្លូវលេខ១ ស្ថិតភូមិ សង្កាត់កំពង់ស្វាយ ក្រុងសិរីសោភ័ណ។
ជាងរូបនោះបានបញ្ជាក់ថា នៅពេលដូយផ្ទះឈើ២ល្វែងដើម្បីរៀបចំកល់ឥដ្ឋខាងក្រោមពេលដែលដូយដាក់កំណល់ក្រោមបណ្តាលភ្លាត់សង្កាត់មកលើជាងដែលនៅខាងក្រោមបណ្តាលស្លាប់២នាក់នៅហ្នឹងកន្លែង ត្រូវបានគាស់យករបួសធ្ងន់ម្នាក់ត្រូវបានសង្គ្រោះបន្ទាន់បញ្ជូនទៅមន្ទីរពេទ្យមិត្តភាពកម្ពុជា-ជប៉ុនមង្គលបូរី។
លោកអនុសេនីយ៍ទោ ឡុង ប៊ុនថា នាយនគរបាលប៉ុស្តិ៍សង្កាត់កោះពងសត្វបានបញ្ជាក់ថា ក្រោយពេលទទួលព័ត៌មានបានដឹងមានគ្រោះថ្នាក់ផ្ទះឈើសង្កត់បណ្តាលស្លាប់និងរបួស បានចុះទៅពិនិត្យឃើញថាជនរងគ្រោះក្នុងចំណោម៨នាក់មានមេជាងកម្មករបានស៊ីឈ្នួលដូយផ្ទះឈើ២ល្វែងបណ្តាលដួលសង្កត់ស្លាប់២នាក់និងកន្លែងត្រូវបានសាច់ញាតិទទួលយកធ្វើបុណ្យតាមប្រពៃណីនិងជនរងគ្រោះរបួសធ្ងន់ម្នាក់ត្រូវបានសង្គ្រោះបន្ទាន់ ។